MZS: Zakryćcio ofisa ABSIE było pravilnym krokam 2

Pra heta zajaviŭ pres-sakratar MZS Biełarusi Andrej Savinych na bryfinhu 4 kastryčnika, adkazvajučy na pytańni žurnalistaŭ.

Pavodle jaho słoŭ, rašeńnie ab zakryćci ofisa z praktyčnaha punktu hledžańnia biełaruski bok razhladaŭ «jak srodak aptymizacyi raschodaŭ rehularnaha biudžetu ABSIE». «Bolš srodkaŭ stała vydzialacca na prahramnuju dziejnaść arhanizacyi», — padkreśliŭ jon.

Jak zajaviŭ pres-sakratar, jašče paŭtara hoda tamu biełaruski bok vykazvaŭ upeŭnienaść, što zakryćcio ofisa nie pryviadzie da skaračeńnia jaho kantaktaŭ z ABSIE, a biahučyja prajekty možna budzie «lohka kaardynavać na pramych suviaziach sa štab-kvateraj arhanizacyi ŭ Vienie, vykarystoŭvajučy dypłamatyčnyja kanały».

Što da abmierkavańnia pytańnia mahčymaha adnaŭleńnia pracy ofisa ABSIE ŭ Minsku, jakoje nibyta mieła miesca padčas sustreč z pradstaŭnikami aficyjnaha Minska naziralnikaŭ ABSIE na parłamienckich vybarach, to pres-sakratar MZS padkreśliŭ: «Pytańni instytucyjanalnaha budaŭnictva ABSIE nie ŭvachodziać u śfieru kampietencyi naziralnikaŭ za vybarami, tamu nijakija aficyjnyja hutarki na hetyja temy nie vialisia».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH