29 vieraśnia ŭ Breście adkryvajecca VIII Respublikanski fiestyval biełaruskich filmaŭ

Jak paviedamili BiełaPAN u hałoŭnym upraŭleńni ideałahičnaj raboty Bresckaha abłvykankama, u konkursnaj prahramie kinaforumu zajaŭlena 51 karcina vytvorčaści 2010–2012 hadoŭ: 9 hulniavych, 19 dakumientalnych, 6 animacyjnych, 17 studenckich i debiutnych filmaŭ.

Pakazy projduć u kinateatrach «Biełaruś» i «Mir». Staršynia žury fiestyvalu — kinakrytyk, pieršy namieśnik staršyni Sajuza kiniematahrafistaŭ Rasii, zahadčyk kafiedry kinaznaŭstva UDIK prafiesar Siarhiej Łazaruk.

U kinaforumie voźmuć udzieł viadomyja dziejačy ajčynnaha i zamiežnaha kinamastactva. U ich liku — narodnaja artystka Rasii Volha Astraumava, rasijski akcior teatra i kino Alaksandr Curkan, hruzinski i rasijski scenaryst i kinarežysior Iraklij Kvirykadze, jaki 2 kastryčnika daść majstar-kłas.

Padčas fiestyvalu płanujecca šerah tvorčych sustreč ź jaho ŭdzielnikami.

Siońnia paśla cyrymonii adkryćcia fiestyvalu, jakaja adbudziecca ŭ kinateatry «Biełaruś», budzie pakazana pieršaja konkursnaja rabota — film «Ukraści Bielmando» (Nacyjanalnaja dziaržaŭnaja teleradyjokampanija, 2012 hod, režysior Mikałaj Kniazieŭ).

Fiestyval zavieršycca 2 kastryčnika. Uznaharoda «Kryštalny busieł» budzie ŭručana ŭ naminacyjach «Za lepšy film fiestyvalu» (Hran-pry), «Za lepšuju mužčynskuju rolu», «Za lepšuju žanočuju rolu», «Za lepšuju režysuru», «Za lepšy scenaryj», «Za lepšy ihravy film», «Za lepšy televizijny ihravy film (sieryjał)», «Za lepšy nieihravy film» i «Za lepšy animacyjny film».

Aprača taho, buduć vyznačany ŭładalniki dypłomaŭ «Za lepšuju režysuru (nieihravy film)», «Za lepšy debiut u kinarežysury» imia narodnaha artysta SSSR kinarežysiora Viktara Turava, «Za lepšuju studenckuju rabotu «Momant iściny» imia narodnaha artysta Biełarusi kinarežysiora Michaiła Ptašuka, «Za lepšuju apieratarskuju rabotu» imia zasłužanaha dziejača mastactvaŭ Biełarusi kinarežysiora, kinaapieratara Juryja Maruchina. Płanujecca ŭručyć dypłomy jašče ŭ dzieviaci naminacyjach.

Fiestyval biełaruskich filmaŭ pravodzicca ŭ Breście ŭžo 15 hadoŭ ź pieryjadyčnaściu raz u dva hady. Jaho zasnavalnikami vystupajuć Ministerstva kultury, Brescki abłasny i haradski vykanaŭčyja kamitety, Biełteleradyjokampanija, kinastudyja «Biełaruśfilm» i Sajuz kiniematahrafistaŭ.

Zadača forumu — raźvićcio nacyjanalnaj kiniematahrafii, papularyzacyja lepšych tvoraŭ ajčynnaha kino, padtrymka prahresiŭnych tvorčych idej.

0

0

0

0

0

0

Łarysa Šyhanava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH