Ab hetym BiełaPAN paviedamiŭ načalnik adździeła radyjoelektronnych vymiareńniaŭ Biełaruskaha dziaržaŭnaha instytuta mietrałohii Alaksandr Hałyha, kamientujučy ŭčarašniaje ŭniasieńnie ŭ Dziarždumu Rasii zakonaprajekta ab pierachodzie na pastajanny zimovy čas.
«Kali nijakich paviedamleńniaŭ nie budzie, to ŭsio zastanieccaPavodle słoŭ Hałyhi, u vypadku zaćviardžeńnia zakonaprajekta ŭ Rasii źmienicca časavy pojas, jon budzie takim ža, jak u Biełarusi. Pakul aficyjnaha paviedamleńnia z Rasii pra nieabchodnaść uzhadnieńnia času ŭ Biełaruś nie pastupała.
Jon dadaŭ, što ŭ adpaviednaści z zakonam ab zabieśpiačeńni adzinstva vymiareńniaŭ padrychtoŭka padobnych rašeńniaŭ znachodzicca ŭ kampietencyi Mižhalinovaj kamisii pa časie, častacie i vyznačeńni paramietraŭ viarčeńnia Ziamli. «Ale infarmacyi ŭ mianie nijakaj niama, kab niejkija prachodzili źmianieńni», — zaklučyŭ śpiecyjalist.
Nahadajem, Biełaruś śledam za Rasijaj pryniała rašeńnie nie pierachodzić bolš na zimovy čas pačynajučy z vosieni 2011 hoda, pakinuŭšy na svajoj terytoryi letni čas nazaŭsiody.Takim čynam, čas u Biełarusi, jakaja znachodzicca ŭ adnym časavym pojasie z Ukrainaj, Litvoj i niekatorymi inšymi krainami, ź listapada pa sakavik adroźnivajecca ad času ŭ hetych krainach na adnu hadzinu.
Pry hetym niekatoryja śpiecyjalisty śćviardžali, što Rasija i Biełaruś admianili nie toj čas. Treba było admianić jakraz letni čas, jaki dla čałavieka nie źjaŭlajecca fizijałahičnym i byŭ uviedzieny štučna dla ekanomii enierharesursaŭ. Zimovy ž čas u mnohich krainach supadaje sa standartnym astranamičnym. Krainy, jakija nie pieravodziać strełki hadzińnikaŭ abo admovilisia ad pierachodu, nie vykarystoŭvajuć jakraz letni čas.
