Skraŭ załaty branzalet za 12 młn — i pradaŭ za miljon 1

U Minsku raskryta kradziež załatoha branzaleta koštam 12,5 miljona rubloŭ.

Kradziež byŭ ździejśnieny 13 žniŭnia ź juvielirnaj kramy na vulicy Kamsamolskaj.

Pra heta paviedamili ŭ HUUS Minharvykankama.

Złačynca dastaŭ branzalet ź vitryny z dapamohaj tonkaha mietaličnaha drotu.

10 vieraśnia ŭ vyniku cełaha kompleksu apieratyŭna-vyšukovych mierapryjemstvaŭ padazravany ŭ ździajśnieńni kradziažu byŭ zatrymany.

Pieršapačatkova supracoŭniki kryminalnaha vyšuku Centralnaha RUUS vyčlenili dastatkova šyrokaje koła mahčymych padazravanych, adnak

apieratyŭnikaŭ zacikaviŭ nieadnarazova sudzimy 42-hadovy žychar Viciebska, jaki vyzvaliŭsia ź miescaŭ pazbaŭleńnia voli ŭ lutym hetaha hoda.

Padčas pieršaha ž nadhladu ŭ zatrymanaha byŭ znojdzieny branzalet, vykradzieny ź inšaj juvielirnaj kramy.

Zatrymany nie admaŭlaŭ svajho dačynieńnia da kradziažu i z kramy pa Kamsamolskaj.

Vyśvietliłasia, što vykradzieny załaty branzalet jon realizavaŭ pradaŭcu harodniny na adnym z rynkaŭ usiaho za miljon rubloŭ.

Amal usia vyručka była vydatkavanaja na nabyćcio narkotykaŭ. Supracoŭniki kryminalnaha vyšuku Centralnaha RUUS ŭžo znajšli pakupnika załatoha branzaleta. Juvielirny vyrab ŭ jaho kanfiskavany.

Materyjał pravierki pa hetaj spravie pieradadzieny ŭ rajonny adździeł śledčaha kamiteta dla dačy pravavoj acenki.

Viačasłaŭ Budkievič, BiełaPAN.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH