MZS pakul nie paćviardžaje infarmacyju pra pryznačeńnie Łatuški pasłom u Francyi 4

U Ministerstvie zamiežnych spraŭ Biełarusi pakul nie paćviardžajuć infarmacyju pra mahčymaje pryznačeńnie Paŭła Łatuški na pasadu biełaruskaha pasła ŭ Francyi.

Čutki pra mahčymaść takoha pryznačeńnia źjavilisia ŭ biełaruskich ŚMI tydzień tamu.

Na prośbu BiełaPAN prakamientavać ich pres-sakratar MZS Andrej Savinych zajaviŭ:

«Rašeńnie prymaje prezident. Kali jon padpisvaje ŭkaz, pres-słužba pra heta paviedamlaje. Usio astatniaje — heta techničnyja detali, jakija ŭ presie nie aśviatlajucca».

Pavieł Łatuška zaraz pracuje na pasadzie ministra kultury, na jakuju byŭ pryznačany ŭ červieni 2009 hoda. Doŭhi čas pracavaŭ u struktury MZS: u 1995–1996 hadach byŭ ataše dahavorna-pravavoha ŭpraŭleńnia MZS Biełarusi; u 1996–2000 — konsułam konsulstva Biełarusi ŭ Biełastoku (Polšča); u 2000–2002 — načalnikam upraŭleńnia infarmacyi — pres-sakratarom MZS; u 2002–2008 hadach — pasłom u Polščy. U ŚMI Paŭła Łatušku nazyvajuć amal što adzinym biełaruskim čynoŭnikam vysokaha ranhu, jaki razmaŭlaje pa-biełarusku.

Pasolstva Biełarusi ŭ Francyi ź lutaha 2008 hoda ŭznačalvaje Alaksandr Paŭłoŭski.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH