Lidar kampanii «Havary praŭdu!» Uładzimir Niaklajeŭ 12 vieraśnia źviarnuŭsia z adkrytym listom da staršyni Centrvybarkama Lidzii Jarmošynaj, u jakim zaklikaŭ jaje zabiaśpiečyć sapraŭdnuju roŭnaść usich kandydataŭ u deputaty, abaranić ich samich i ich davieranych asob ad pravavoha biaźmiežža.
Palityk napisaŭ adkryty list, «bo našy aficyjnyja zvaroty ŭ CVK nakont pieraškod, što robiacca dziaržaŭnymi strukturami kandydatam u deputaty parłamienta ad apazicyi, nijakaha ŭździejańnia na źmianieńnie situacyi nie dali».
Niaklajeŭ adznačaje, što na parłamienckich vybarach źjaŭlajecca davieranaj asobaj
«Ale kali ja złačynca, čamu mianie zarehistravali davieranaj asobaj? A kali ja davieranaja asoba, čamu mnie zabaraniajuć rabić toje, što ja maju prava rabić zhodna z zakonam i pavinien rabić zhodna z abaviazkami?Kali heta nie parušeńnie nie tolki maich pravoŭ, ale i pravoŭ kandydataŭ u deputaty, tady što heta takoje?» — zadaje pytańni Niaklajeŭ.
Palityk taksama pieraličvaje vypadki zatrymańnia i aryštu davieranych asob kandydata ŭ deputaty pa Frunzienskaj vybarčaj akruzie № 101 Arcioma Lavy, Jahora Viniackaha, Paŭła Vinahradava i Alaksandra Arcybašava.
«Ciapier davieranych asob
«Z ułaścivaj vam niepasrednaściu vy nazyvajecie ŭstanovačnuju ličbu jaŭki na parłamienckija vybary: jana takaja ž, jak na vybary prezidenckija, nie mienš čym 70%. Jak čałaviek, jaki štodzionna analizuje infarmacyju pa chodu vybarčaj kampanii i ŭ Minsku, i ŭ rehijonach, zapeŭnivaju vas, što spuščanaja vam źvierchu ličba jaŭki jaŭna zavyšanaja. Daj Boh, kab nabrałasia pracentaŭ 40–45», — adznačaje palityk.Palityk upeŭnieny, što «ŭ takich umovach ludzi nie vierać u spraviadlivaść vybaraŭ i nie źbirajucca hałasavać».
Niaklajeŭ nahadvaje Jarmošynaj «ab niepaźbiežnaj adkaznaści za falsifikacyju vynikaŭ vybaraŭ i jašče ab tym, što CVK — heta nie Centr Vykanańnia Kamand, što pastupajuć z administracyi Łukašenki, z MUS i KDB, jakim Łukašenka publična daručyŭ zabiaśpiečyć praviadzieńnie „spraviadlivych“ vybaraŭ, a Centralnaja Vybarčaja Kamisija». «i kali vy ŭsio ž staršynia Centralnaj Vybarčaj Kamisii, to vaš pramy abaviazak — zabiaśpiečyć sapraŭdnuju roŭnaść usich zarehistravanych kandydataŭ, abaranić ich samich i ich davieranych asob, usich udzielnikaŭ vybarčaha pracesu ad pravavoha biaźmiežža. Inakš nadziejam na pryznańnie vybaraŭ nijak nie zbycca», — ličyć jon.
