U Izraili adšukali barana i byka, jakim 9,5 tysiač hadoŭ - fota 2

U Izraili znajšli dźvie statuetki uzrostam u 9,5 tysiač hadoŭ. Adna z statuetak, zroblenaja z vapniaka, — baran. Druhaja, bolš abstraktnaja, vyrablenaja z dałamitu, — byk. Abiedźvie statuetki majuć kala 15 santymietraŭ u daŭžyniu.

Pa słovach archieołahaŭ, abiedźvie znachodki zroblenyja vielmi pa-majstersku dla svajho času. U pryvatnaści, na statuetkach dobra vykananyja śpiralepadobnyja rohi žyviołaŭ.

Navukoŭcy kažuć, što, miarkujučy pa jakaści vykanańnia, statuetki vykarystoŭvalisia dla cyrymanijalnych patrebaŭ.

Na heta taksama pakazvaje miesca vyjaŭleńnia — statuetki byli znojdzienyja pry raskopkach niejkaha budynka kruhłaj formy.

Mahčyma, jany byli zadziejničanyja ŭ niejkich rytuałach, zaklikanych zabiaśpiečyć pośpiech palaŭničym.

Archieołahi adznačajuć, što znachodki adnosiacca da vielmi dynamičnamu pieryjadu ŭ historyi rehijona —

9,5 tysiač hadoŭ tamu tam adbyvaŭsia pastupovy pierachod ludziej da fiermierstva i asiełaha žyćcia.

U pryvatnaści, statuetki mahli być simvałami pryručanych žyviołaŭ.

Lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH