Na hetaje pytańnie jość dva adkazy.
1. Možam.
2. Na chrana?
Kaliści daŭno, ale nie vielmi daŭno, zdaryłasia historyja z haliny ideałohii. Sprečki z Rasijaj išli luta i abvostrana. Na karcie, jak zaŭsiody, stajaŭ sam fakt isnavańnia šmatviektarnaści i pryncypaŭ adnaho akna. Časta los visieŭ na vałasku, časam davodziłasia vyraŭnoŭvać liniju abarony, ale hałoŭnaje zastavałasia niaźmiennym. Na ŭsie ekanamičnyja arhumienty našaha imaviernaha sajuźnika naša najvyšejšaja słužbovaja asoba stralała z hałoŭnaha televizijnaha kalibru:
— My nie z vulicy pryjšli, my chočam hrošy za achovu zachodnich miežaŭ Rasii.
Śledam paliłasia nie mienš pierakanaŭčymi arhumientami:
— Najelisia polskaj bulbački?
— Navošta vy bieracie hrošy ŭ MVF? Pradajcie adzin kompleks
(Što, zrešty, sami i zrabili).
— Viedajecie, kolki kaštuje ŭładkavać adzin kiłamietr miažy?
Nu i h.d.
Heta praciahvałasia davoli doŭha. Błakitnyja televizary raspalała ad emocyj, hramadskaje mierkavańnie ŭ zachapleńni apładziravała, palitołuchi ŭsurjoz razhladali biełaruskija mahčymaści ŭładkavacca ŭ Kramli. Ale ŭsio, navat dobraje,
Niečakana ŭviečary na ekranie ich TB źjaviŭsia ich Hajdar Jahor Cimuravič i cichim, liślivym i, na žal, intelihientnym, hołasam skazaŭ, što kali Biełaruś patrabuje ŭ Rasii hrošy za achovu jaje zachodniaj miažy, to Rasija patrabuje ŭ Biełarusi hrošy za achovu jaje ŭschodniaj miažy, jakaja značna bolš praciahłaja, čym zachodniaja.
Na nastupny dzień u Minsku apublikavali Ukaz ab pryvatyzacyi 100 pradpryjemstvaŭ. Dumaju, surjozna spałochalisia, što pacałunki nadakučyli.
Ukaz hety praź niekatory čas, jak i mnohaje, pryniataje pad ciskam našaha imaviernaha sajuźnika, pravalili, ale fakt jaho źjaŭleńnia ilustruje, jak u Drazdach prymajucca rašeńni.
Ci možna było zdahadacca, što skandał z rastvaralnikami vykliča losavyznačalnyja kadravyja rašeńni?
Tak.
Suma, jakaja fihuruje ŭ razborkach, — jakraz uzrovień pieršych asob našaj dziaržavy.
Ciapier zastałosia tolki zrazumieć, čamu syšli Makieja, a nie Miaśnikoviča, naprykład.
Ci samastojnaja fihura premjer ministr i ci zadavalniaje były prezident Nacyjanalnaj akademii navuk našaha imaviernaha sajuźnika tolki tamu, što doktarskuju abaraniaŭ u
Historyja vučyć: kolki vaŭka nie karmi, a trus smačniejšy. I vyrašyli — Makieja.
Naša najvyšejšaja słužbovaja asoba — čałaviek, jaki stavić i vyrašaje zvyšzadačy.
Ladovyja pałacy ŭkładvajucca ŭ kancepcyju «Kanady kala ZŠA», rasijskija finansavyja datacyi — u madel adnosin Izrail — ZŠA i h.d.
Šmat čaho inšaha ŭ nas samabytnaje, rodnaje, vypakutavanaje, za jakoje my trymajemsia zubami, a vieterany i pryraŭnanyja da ich asoby hnili ŭ akopach. Šmatviektarnaść my nie addamo nikoli, heta i tak zrazumieła, jak nikoli nie admovimsia ad pryncypu adnaho akna.
Tamu zvyšzadača — vyskačyć z žorstkich abdymkaŭ imaviernaha sajuźnika i stać, naprykład, adnym ź lidaraŭ ruchu niedałučeńnia. Na minułym samicie na Kubie niešta rabiłasia ŭ hetym kirunku, ale vodhuku ŭ sercach elektaratu nie atrymała i na rachunkach našaha nacyjanalnaha banka nie adbiłasia. Mała taho, Biełarusnaftu naohuł vypierli z naftavaha radovišča ŭ Iranie.
Ale
«Ja razmaŭlaŭ z Kadafi, choć i nie afišuju hetaha. Što ŭ ciabie tam adbyvajecca — ad ciabie ludzi biahuć, dypłamaty? Spadar prezident, vy nie toje telebačańnie hledzicie…»
Spravazdača pałkoŭnika svajmu Viarchoŭnamu hałoŭnakamandujučamu, ni bolš ni mienš.
Usio ž taki Łatypaŭ akazaŭsia razumniejšy. Vyhadavaŭ sabie
A Makieja i vyłučyli arać calinu. Palityčna kryšavali našy hłabalnyja pošuki inviestycyj i brackich vuhlevadarodaŭ.
Nu i tradycyjnaje pytańnie: «Čamu Kabiakoŭ?» Jakoje ŭ svaju čarhu sparadžaje šmat inšych pytańniaŭ.
— Čamu Kabiakova pryznačyli pasłom u ich stalicy?
— Čamu jaho naohuł kudyści pryznačyli i pryznačali?
— Adkul biarucca ŭsie hetyja ludzi?
— Dyj ci ludzi jany?
Voś ja akuratna i padvioŭ da druhoha adkazu na pastaŭlenaje ŭ zahałoŭku pytańnie.
I hety varyjant adkazu — samy pravilny.