1 vieraśnia pradstaŭniki ŭpraŭleńnia KDB pa Homielskaj vobłaści voźmuć udzieł va ŭračystych školnych liniejkach, pryśviečanych Dniu viedaŭ.
Jak paviedamili ŭ pres-hrupie UKDB, supracoŭniki ŭpraŭleńnia naviedajuć u pieršuju čarhu padšefnyja škoły ŭ Karmianskim i Naraŭlanskim rajonach.
Tak, u Klapinskuju škołu-sadok (Karmianski rajon) supracoŭniki UKDB pryjeduć z padarunkami. Za sabranyja aficerami kamiteta hrošy dla škoły nabyty televizar, a ŭsim pieršakłaśnikam buduć uručany školnyja pryłady.
Jašče adna delehacyja ad UKDB naviedaje Zavajcianskuju bazavuju škołu-sadok (Naraŭlanski rajon). Dla padšefnych pieršakłaśnikaŭ pradstaŭniki prafsajuznaj arhanizacyi i savieta aficerskaha schodu UKDB sabrali partfieli, a taksama nabyli dla patreb škoły pryntar. Nabory školnych pryład atrymajuć i astatnija vučni. Vychavancam dziciačaha sadka padrychtavanyja cacki. Asobnyja pryzy ad šefaŭ atrymajuć pieramožcy ŭ naminacyjach: «Za spartyŭnyja dasiahnieńni», «Za pośpiechi u vučobie», «Za ŭdzieł u hramadskim žyćci».
U Dzień viedaŭ pradstaŭniki UKDB naviedajuć i inšyja škoły Homiela i rajonnych centraŭ, dzie voźmuć udzieł va ŭračystych liniejkach.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
