30 žniŭnia, u 18:45 pavodle minskaha času, u Manaka projdzie losavańnie hrupavoha etapu futbolnaj Lihi čempijonaŭ (pamyłkova pišuć, što ŭ 19:45, ale heta maskoŭski čas).
Paśla zaklučnych matčaŭ płej-of stali viadomyja ŭsie košyki Lihi čempijonaŭ. Nahadajem, BATE pasiejany ŭ čaćviorty košyk. Takim čynam u hrupu trapić pa adnoj kamandzie z 1-ha, 2-ha i 3-ha košykaŭ (pryčym nie mohuć trapić kamandy z adnoj nacyjanalnaj asacyjacyi -- Anhlii, Italii, Ispanii).
32 kamandy buduć raźbityja na vosiem hrupaŭ pa čatyry kamandy ŭ kožnaj. Zrešty, jak zaŭsiody.
1-y košyk: «Čełsi» Łondan (Anhlija), «Barsiełona» (Ispanija), «Mančester Junajted» (Anhlija), «Bavaryja» Miunchien (Niamieččyna), «Reał» Madryd (Ispanija), «Arsienał» Łondan (Anhlija), «Portu» (Partuhalija), «Miłan» (Italija).
2-i košyk: «Valensija» Ispanija, «Bienfika» Lisabon (Partuhalija), «Šachcior» Danieck (Ukraina), «Zienit» Pieciarburh (Rasija), «Šalkie-04» Hielzienkirchien (Niamieččyna), «Mančester Sici» (Anhlija), «Braha» Partuhalija, «Dynama Kijeŭ» (Ukraina).
3-i košyk: «Alimpijakas» Afiny (Hrecyja), «Ajaks» Amsterdam (Niderłandy), «Anderlecht» Brusel (Bielhija), «Juvientus» Turyn (Italija), «Spartak» Maskva (Rasija), «PSŽ» (Francyja), «Lil» (Francyja), «Hałatasaraj» Stambuł (Turcyja).
4-ja košyk: «Siełtyk» Hłazha (Šatłandyja), «Barusija» Dortmund (Niamieččyna), BATE Barysaŭ (Biełaruś), «Dynama» Zahrab (Charvatyja), ČFR Kłuž (Rumynija), «Małaha» (Ispanija), «Manpielje» (Francyja), «Nordšełand» (Danija).
BATE ni ŭ jakim vypadku nie zmoža zhulać z kamandami z 4-ha košyka.
Letaś BATE hulaŭ u hrupavym turniry z «Barsiełonaj», «Miłanam» i «Viktoryjaj» Plzień. Pieršy raz BATE prabiŭsia ŭ hrupavy raŭnd Lihi čempijonaŭ 2008 h., dzie zhulaŭ z «Reałam», «Juvientusam» i «Zienitam».
U siezonie 2009/2010 i 2010/2011 BATE vystupaŭ u hrupavym raŭndzie Lihi Jeŭropy.
Losavańnie Lihi čempijonaŭ pačniecca ŭ 18:45 pavodle minskaha času i budzie pakazana ŭ žyvym efiry na telekanale «Jeŭrasport», budzie vieścisia anłajn-tranślacyja na sajcie uefa.com.
Matčy hrupavoj stadyi projduć 18-19 vieraśnia, 2-3 kastryčnika, 23-24 kastryčnika, 6-7 listapada, 20-21 listapada, 4-5 śniežnia.
Dźvie najlepšyja kamandy z hrupy vychodziać u płej-of (1/8 finału), kamanda, što zojmie treciaje miesca, budzie hulać u płejof Lihi Jeŭropy.
nn.by
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
