Kanstancin Antaškievič, aršanski aktyvist kampanii «Havary praŭdu», kandydat u deputaty pa Aršanskaj haradzkoj vybarčaj akruzie № 26, prapanavaŭ sabrać podpisy žycharoŭ adnoj z vulic horadu, kab pierajmienavać jaje ŭ pamiać śpievaka Jakava Navumienki, jaki zahinuŭ hetymi dniami.
Spadar Antaškievič asabista hatovy źbirać podpisy na 2-j Lejtenanckaj vulicy: «U Voršy viedajuć Jakava Navumienku. Šmat chto duža zasmučany, što jaho nia stała. Viadomy śpiavak naradziŭsia ŭ Voršy, tut skončyŭ siaredniuju škołu № 17.
I było b słušna, kab u rodnym horadzie źjaviłasia vulica jahonaha imia. Ja prapanuju pierajmienavać 2-ju Lejtenanckuju, bo hetaja nazva ŭsie adno ni pra što nia kaža aršancam.Heta vulica ŭ pryvatnym sektary. Ja sam hatovy abyści damy, pahavaryć ź ludźmi dy sabrać podpisy».
Sabranyja podpisy Kanstancin Antaškievič paniasie ŭ harvykankam razam z adpaviednaj zajavaj. Zrešty, zajavaŭ jon miarkuje napisać dźvie:
«Adna budzie pra pierajmienavańnie vulicy, a druhaja — pra toje, kab nazvać imiem Jakava Navumienki novuju vulicu ŭ novym mikrarajonie. Spadziajusia, što miascovyja ŭłady daduć stanoŭčy adkaz choć na adnu z hetych zajavaŭ».
0
0
0
0
0
0
