Tut byŭ «Łondan».
Nadpis London na aŭtobusie sprava zachavaŭsia. Jak i nazva na ŭvachodzie ŭ kaviarniu. A źleva ŭnizie — zamalavany.
Ułaśnik minskaj kaviarni «Łondan» zafarbavaŭ nazvu ŭstanovy na aharodžy letniaha paviljona. Heta spravakavała chvalu čutak: u internecie pačali pisać pra vizit u kaviarniu supracoŭnikaŭ KDB, jakija nibyta nastojliva paraili zafarbavać nazvu. Niekalki internet-resursaŭ rascanili heta, jak nastupstvy nieakredytacyi Łukašenki na Alimpijadzie.
Art-dyrektar «Łondana» Juryj Vinahradaŭ raskazaŭ karespandentu «Našaj Nivy», što nijakich vizitaŭ z Kamitetu da ich nie było. Jon patłumačyŭ, što nazvu kaviarni zafarbavali zusim pa inšych pryčynach. Pavodle pastanovy Minharvykankama, nazvy kaviarniaŭ i restaranaŭ na vonkavych fasadach treba rehistravać, heta płatnaja pracedura. Maŭlaŭ, zafarbavanyja nadpisy nie byli zarehistravanyja, a ŭ nastupnym hodzie kaviarnia ŭvohule płanuje źmianić afarmleńnie.
Što mahło spravakavać ažyjataž vakoł «Łondana»? Mahčyma, žart u sacyjalnych sietkach. Nieŭzabavie paśla taho, jak stała viadoma pra nieakredytacyju Łukašenki, u fejsbuku schachmili, što ŭ adkaz na heta ŭ Minsku začyniać kaviarniu «Łondan». Niekatoryja ŭ tuju «kačku» vierać dahetul. A tut jašče i šyldu zafarbavali.
