U internecie prezientavany muzyčny videaklip na temu śmiarotnaha pakarańnia. Stvaryli jaho dziaŭčaty z mahiloŭskaha rep-hurtu “Pradmova” Ronia Ronič i Kacia Krasavik pry ŭdziele Uładzimira Niaklajeva, Adama Hłobusa, Lubovi Kavalovaj i pravaabaroncaŭ.
Z budučym režysioram klipa muzyki sustrelisia letaś na adnoj ź letnich škołaŭ pa pravach čałavieka. Na temu śmiarotnaha pakarańnia padčas škoły adbyłasia nie adna haračaja dyskusija, i moładź vyrašyła zrabić uniosak u spravu najchutčejšaha vyrašeńnia hetaj balučaj dla Biełarusi prablemy. I zrabili – svaimi srodkami: napisali słovy i muzyku, scenar, i ŭ pačatku žniŭnia źniali videaklip.
Padtrymku aŭtarytetam akazali viadomyja ŭ Biełarusi ludzi -- paet i piśmieńnik Uładzimir Niaklajeŭ, paet i mastak Adam Hłobus, pryniała prapanovu ŭdzielničać u zdymkach i maci rasstralanaha niadaŭna Uładzisłava Kavalova – Luboŭ Kavalova.
