Adpaviedny ŭkaz № 332 «Ab niekatorych mierach pa ŭdaskanaleńni kantrolnaj (nahladnaj) dziejnaści ŭ Respublicy Biełaruś» padpisany 26 lipienia «ŭ metach nadańnia kantrolnaj (nahladnaj) dziejnaści maksimalna prafiłaktyčnaha charaktaru i skaračeńni kolkaści pravierak».
Dakumientam uvodzicca novaja forma kantrolu (nahladu) — manitorynh, jaki palahaje ŭ nazirańni, acency ŭmovaŭ dziejnaści subjektaŭ z metami vyjaŭleńnia i praduchileńnia pryčyn i ŭmovaŭ, jakija spryjajuć ździajśnieńniu parušeńniaŭ.
Pikantnaść hetaj novaj formy kantrolu zaklučajecca ŭ tym, što manitorynh budzie ažyćciaŭlacca tajemna — pradpryjemstvy nie buduć viedać pra jaho praviadzieńnie.
«Dadzieny kantrol budzie pravodzicca biez vykarystańnia słužbovymi asobami paŭnamoctvaŭ, dadzienych im dla praviadzieńnia pravierak, i zapatrabavańnia dakumientaŭ u subjektaŭ. Rašeńnie ab praviadzieńni manitorynhu maje prava pryniać tolki kiraŭnik nahladnaha orhana abo jaho ŭpaŭnavažany namieśnik. U vypadku vyjaŭleńnia padčas manitorynhu parušeńniaŭ subjektu buduć uručacca rekamiendacyi pa ich likvidacyi. Pry dobraachvotnaj likvidacyi parušeńniaŭ nie buduć pryznačacca pazapłanavyja pravierki i prymianiacca miery adkaznaści da subjekta i jaho słužbovych asobaŭ», — havorycca ŭ aficyjnym kamientary.
Aficyjnaje tłumačeńnie padpisanaha ŭkazu faktyčna na palcach tłumačyć, jak vybivać hrošy ź biznesu dla papaŭnieńnia biudžetu ŭ vypadkach vostraj nieabchodnaści i z karupcyjnymi metami:varyjant, A: «My za vami ŭžo daŭno nazirajem. Pavodle našych acenak, vy niedapłacili ŭ biudžet Ch rubloŭ. Abo sami zapłacicie, abo…»; varyjant B: «A vy adčajnyja chłopcy. Ničoha nie baiciesia? Karaciej z vas Ch baksaŭ abo
«Pry vyśviatleńni parušeńniaŭ, jakija stvarajuć pahrozu nacyjanalnaj biaśpiecy, pryčynieńnia škody žyćciu i zdaroŭju nasielnictva, navakolnaha asiarodździa, nahladny orhan zmoža ŭ rehłamientavanaj paradku vynieści patrabavańnie (pradpisańnie) ab prypynieńni (zabaronie) dziejnaści subjekta», — havorycca ŭ kamientary.
Dakumientam, biezumoŭna, z metami pavyšeńnia inviestycyjnaj pryvabnaści krainy prykmietna ŭrazajucca paŭnamoctvy nahladnych orhanaŭ, jakija pry pravie na špijanaž i sačeńnie stračvajuć svajo značeńnie.
Sa śfiery kantrolnaj dziejnaści vyvodziacca mierapryjemstvy techničnaha (technałahičnaha, pravieračnaha) charaktaru, jakija ažyćciaŭlajucca orhanami ŭ dačynieńni da subjektaŭ, ale nie źviazanyja z pravierkami ich dziejnaści. Kankretny pieralik hetych mierapryjemstvaŭ budzie vyznačany ŭradam pa ŭzhadnieńni z Łukašenkam. Akramia taho, ustalavanaja naŭprostaja zabarona na praviadzieńnie płanavych i pazapłanavych pravierak hetych mierapryjemstvaŭ, što daść mahčymaść skaracić kolkaść pravierak subjektaŭ, a taksama aptymizavać pracu pa składańni kaardynacyjnych płanaŭ nahladnaj dziejnaści.
Źmianiajecca pieryjadyčnaść pryznačeńnia płanavych pravierak. Pry adsutnaści parušeńniaŭ zakanadaŭstva płanavyja pravierki buduć pravodzicca nie čaściej za adzin raz na piać hadoŭ niezaležna ad adniasieńnia subjektaŭ da
Udaskanalvajecca paradak vyličeńnia terminu dla pryznačeńnia płanavaj pravierki. Hety termin budzie vyličacca nahladnym orhanam z dnia zakančeńnia papiaredniaj płanavaj pravierki, praviedzienaj nie tolki hetym orhanam, ale i vyšejšym, ich strukturnymi padraździaleńniami (terytaryjalnymi orhanami, padparadkavanymi arhanizacyjami). U vyniku vyklučanaja mahčymaść praviadzieńnia mnostva pravierak adnaho subjekta ŭ ramkach sistemy (viertykali) adnaho i taho ž nahladnaha orhana.
Dziaržkantrol Biełarusi atrymlivaje prava vyklučać z kaardynacyjnych płanaŭ nahladnaj dziejnaści pravierki, jakija nie adpaviadajuć normam ŭkazu № 510.
Pry hetym adnačasova ŭvodzicca abaviazak nahladnych orhanaŭ unosić u bazu dadzienych sistemy kantrolnaj dziejnaści ŭ Respublicy Biełaruś źviestki vynikaŭ pravierak.
Taksama zamacoŭvajecca dadatkovaja padstava dla praviadzieńnia pravierak u pieryjad ustalavanaha dvuchhadovaha maratoryju na ich praviadzieńnie — najaŭnaść infarmacyi pra ŭhody z asobami, u dziejnaści jakich jość prykmiety iłžepradprymalnictva.
