Teraryst-śmiarotnik, jaki ździejśniŭ napad na aŭtobus ź izrailcianami ŭ bałharskim aeraporcie Burhasa 18 lipienia, prybyŭ u krainu z Rumynii, biehła havaryŭ pa-rasiejsku i znachodziŭsia ŭ supravadžeńni žančyny, paviedamlaje «Interfaks» sa spasyłkaj na bałharskaje telebačańnie.
Pavodle krynic, blizkich da śledstva, za dzień da vybuchu teraryst znachodziŭsia ŭ trochzorkavym hateli «Pierfiekt» ŭ bałharskim horadzie Varna. Akramia taho, paviedamlajecca, što jon byŭ tam z žančynaj. U palicyi taksama miarkujuć, što hetaja žančyna była znajomaja ź inšym mužčynam, jakoha ličać saŭdzielnikam terarysta.
Pra toje, što čałaviek, jaki ździejśniŭ terakt «prystojna havaryŭ pa-rasiejsku», zajaviŭ taksist. Jon vioz jaho niezadoŭha da vybuchu ŭ vakolicach Burhasa.
Ułady Bałharyi admovilisia kamientavać chod rasśledavańnia,abmiežavaŭšysia tolki paviedamleńniem ab tym, što terarystu pavinna było być kala 36 hadoŭ, u jaho byli amierykanskija pravy kiroŭcy i jon nie źjaŭlaŭsia hramadzianinam Bałharyi.
