32 turysty ź Biełarusi paciarpieli ŭ avaryi ŭ Chiersonskaj vobłaści abnoŭlena; dadalisia fota. 4

21 lipienia ŭ 23:40 u Kałančackim rajonie Chiersonskaj vobłaści na 105-m km aŭtadarohi Simfieropal-Chierson adbyłosia łabavoje sutyknieńnie hruzavoha mikraaŭtobusa «Ford Transit» i pasažyrskaha aŭtobusa «CETRA» (Respublika Biełaruś), jaki pieravoziŭ 46 hramadzian Biełarusi z pasiołka Čarnamorskaje (Krym) u Minsk, paviedamlajecca na sajcie MNS Ukrainy.

U vyniku sutyknieńnia, aŭtobus ź biełaruskimi turystami pierakuliŭsia na prajeznuju častku, dzie sutyknuŭsia z aŭtamabilem «Łada Kalina» i ź inšym hruzavym mikraaŭtobusam «Ford Transit».

U vyniku avaryi ŭ balnicy byli špitalizavanyja 35 čałaviek, 4 čałavieki znachodziacca ŭ ciažkim stanie. Ź liku hramadzian Biełarusi byli špitalizavanyja z traŭmami roznaj stupieni ciažkaści 29 čałaviek, paviedamlaje sajt Ministerstva zamiežnych spraŭ Biełarusi.

Pryčyna darožna-transpartnaha zdareńnia vyśviatlajucca. Pa fakcie zdareńnia ŭkrainskimi pravaachoŭnymi orhanami pravodzicca rasśledavańnie.

MNS Biełarusi adkryła haračuju telefonnuju liniju dla svajakoŭ biełarusaŭ, jakija paciarpieli ŭ DTZ u Chiersonskaj vobłaści Ukrainy, paviedamlaje BIEŁTA. Telefonnaja linija pačała svaju pracu siońnia. Śpiecyjalisty MNS, u tym liku psichołahi, pradastaŭlajuć usiu nieabchodnuju infarmacyju pa minskich telefonnym numarach 9-017-209-27-87 i 209-27-76.

Dla vyśviatleńnia akaličnaściaŭ zdareńnia i akazańnia nieabchodnaj dapamohi da miesca zdareńnia prybyli supracoŭniki Hienkonsulstva Biełarusi ŭ Adesie i Pasolstva Biełarusi va Ukrainie. Dypłamaty pracujuć u ciesnym kantakcie ź miedycynskimi ŭstanovami, dzie znachodziacca paciarpiełyja biełaruskija hramadzianie, a taksama z pravaachoŭnymi orhanami, jakija viaduć rasśledavańnie ŭsich abstavin zdareńnia.

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH