U Minsku ŭ pierśpiektyvie metazhodna pavialičyć kolkaść vybarčych akruh. Pra heta zajaviła staršynia CVK Lidzija Jarmošyna na sieminary ideałahičnaha aktyvu stalicy.
Minsk pa kolkaści vybarčych akruh (ich utvorana 20) — lidar u respublicy.
Siaredniaja kolkaść vybarščykaŭ na kožnuju akruhu na vybarach u Pałatu pradstaŭnikoŭ pavinna skłaści 64 597 čałaviek.Hety pakazčyk atrymlivajuć šlacham dzialeńnia ahulnaj kolkaści vybarščykaŭ respubliki na kolkaść akruh. Pry hetym zychodziać z kolkaści vybarščykaŭ, jakija byli ŭniesieny ŭ śpisy pry praviadzieńni apošniaj vybarčaj kampanii (na momant praviadzieńnia prezidenckich vybaraŭ u Biełarusi mieli prava hołasu bolš jak 7,1 młn. čałaviek u 110 akruhach). Kolkaść vybarščykaŭ u akruzie, jak havoryć zakon, moža vahacca ŭ bok źmianšeńnia abo pavieličeńnia nie bolš jak na 10 pracentaŭ.
«Usie vybarčyja akruhi ŭ stalicy — z maksimalna mahčymaj kolkaściu vybarščykaŭ.Horad intensiŭna raźvivajecca, i ŭ budučym nie vyklučana źjaŭleńnie ŭ Minsku jašče adnoj akruhi», — skazała Lidzija Jarmošyna. Dziesiać hadoŭ tamu ŭ stalicy naličvałasia 17 akruh.
«Rabota pa farmiravańniu vybarčych akruh praviedziena na naležnym uzroŭni, — padkreśliła Lidzija Jarmošyna. — Upieršyniu ŭ CVK nie pastupiła nivodnaj zajavy ad palityčnych apanientaŭ nakont taho, što śpiecyjalisty štości nie ŭličyli, dapuścili pamyłki»
0
0
0
0
0
0
