Savietčyna i pudziły — trend sioletnich kirmašoŭ na «Słavianskim bazary» 13

U hetym hodzie kirmašy ramieśnikaŭ razharnulisia ažno ŭ troch miescach: u kulturna-histaryčnym kompleksie «Załatoje koła Viciebska «Dźvina», na vulicy Suvorava i ŭ parku Pieramožcaŭ. U apošnim — upieršyniu. Svaje padvorki vystavili ŭsie rehijony Viciebščyny.

Miescami «Horad majstroŭ» nahadvaje park savieckaj epochi. Asabliva, jak ni dziŭna, pastaralisia pałačanie.

U połackim padvorku na Suvorava na vozie siadzić mužčynka, nad im płakat «Kto rabotajet v kołchozie, v chlebie nie nuždajetsia». Tut ža napamin ab kalektyvizacyi, Pieršamai, piacihodkach. Mužyki pjuć piva ŭ paviljonie pad zaklikam «Proletarii vsiech stran, sojediniajtieś!». A toj, kim sapraŭdy mohuć hanarycca pałačanie, — Skaryna, znachodzicca pad hustym šašłyčnym dymam

Ale jašče bolšuju «fantaziju» prajavili haspadary paviljona kala «Troch štykoŭ» na płoščy Pieramohi — tut možna vypić pad płakatami «Rodina-mať zoviet!» i «Dojdiem do Bierlina». Sapraŭdny ździek nad podźviham našych dziadoŭ.

Miž inšym, paabiedać «na chutkuju ruku» ŭ šapikach u parku Pieramožcaŭ nie hrebujuć navat abłvykankamaŭskija čynoŭniki. U adnym z paviljonaŭ sustrełasia žančyna, na jakuju nikoli nie padumaŭ by, što jana budzie jeści z płastykavych talerki i stakančyka.

Pudziły — dzikoŭ, hłušca, alenia, zajca — sustrakajucca ŭ parku Pieramožcaŭ amal praz krok. Za simvaličnuju płatu — tysiaču rubloŭ — pobač ź miortvymi žyviołami možna sfatahrafavacca.

Dobra, što na takoj śpiakocie pudziły nie psujucca…

U pačatku Suvorava, kala Uvaskrasienskaha chrama, źjaviłasia hrafici ahromnistymi litarami «Viciebsk-2012». Napeŭna, dla tych, chto zhubicca ŭ časie i prastory ad biassonnych hulanak. A na kanalizacyjnych lukach — ciapier roznakalarovyja vyjavy vasilkoŭ. Kali raniej nichto nie zaŭvažaŭ, kolki na vulicy hetych lukaŭ, to zaraz na ich tolki akcentavali ŭvahu. Pryhožaha mała: kanalizacyja ź simvałam «Słavianskaha bazara».

Adnym słovam, u naš pryhožy, miescami navat vykštałcony Viciebsk pryšoŭ, jak kažuć u narodzie, «słavianski bardak».

Jana Iljina, Narodnyja naviny Viciebska

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH