Ruch aŭtatranspartu pa rekanstrujavanym moście praz Dniapro pad Škłovam adkryjecca 6 lipienia 2012 hoda. Pra heta paviedamiŭ hienieralny dyrektar RUP «Mahiloŭaŭtadar» Anatol Łapacin.
Paśla adkryćcia ruchu pačnucca raboty pa razborcy časovaha mosta i abjaznoj darohi.
«Škłoŭ atrymaje nadziejnuju transpartnuju suviaź praz Dniapro z prajeznaj častkaj šyrynioj 11 m i 2 tratuary dla ruchu piešachodaŭ pa 1,5 m», —raspavioŭ hiendyrektar.
Rekanstrukcyja mosta, pabudavanaha ŭ 1962 hodzie, pačałasia ŭ 2010 hodzie. Jana była abumoŭlena tym, što most za hady ekspłuatacyi nazapasiŭ mnostva defiektaŭ, jakija ŭpłyvajuć na daŭhaviečnaść pracy. Akramia taho, hruzapadymalnaść i habaryt mosta (7 m) nie adpaviadali narmatyŭnym patrabavańniam i nie zabiaśpiečvali biaśpieku ruchu aŭtatranspartu
(byli vypadki padzieńnia aŭtamabilaŭ z mosta).
Na realizacyju hetaha prajekta vykarystana bolš za 80 miljardaŭ rubloŭ.
0
0
0
0
0
0
