Na ofis, jaki aranduje niepryznavany ŭładami Sajuz palakaŭ, z pastanovaj na vobšuk pryjšli śledčy i troje amapaŭcaŭ. U pastanovie napisana, što ŭ pamiaškańni moža znachodzicca litaratura, u jakoj utrymlivajucca antydziaržaŭnyja zakliki.
Aktyvist Sajuzu palakaŭ Ihar Bancar paviedamiŭ milicyjantam, što pamiaškańnie aficyjna aranduje Andrej Pačobut.
Žurnalista, aktyvista Sajuzu palakaŭ Andreja Pačobuta aryštavali 21 červienia. Suprać jaho zaviali kryminalnuju spravu i vinavaciać pavodle kryminalnaha artykuła 367, častka 2 — «Paklop u adnosinach da prezidenta, jaki ŭtrymlivajecca ŭ publičnym vystupie, albo ŭ drukavanym ci publična demanstravanym tvory, albo ŭ ŚMI, učynieny asobaj, jakaja raniej była asudžana za paklop albo źniavahu». Pavodle Kryminalnaha kodeksa, žurnalista mohuć pakarać abmiežavańniem voli na termin da 5 hadoŭ albo pazbaŭleńniem voli na taki ž termin.
* * *
Milicyjanty raspačali pieratrus u jašče adnym z ofisaŭ niepryznanaha ŭładami Sajuzu palakaŭ. Heta palanijny centar biznesu i turyzmu ŭ Horadni, jaki nazyvajecca «Kresovija».U ofisie pracuje vialikaja kolkaść ludziej, jakija dapamahajuć u adkryćci vizaŭ, vydačy Karty palaka i inšaj pracy. Supracoŭniki, jakija jašče zastalisia na pracy, aścierahajucca taho, što ŭ ich budzie kanfiskavanaja kamputarnaja technika.
Pieratrus adbyvajecca ŭ źviazku z aryštam Andreja Pačobuta.
