Členy savieta respubliki ciońnia na čarhovym pasiadžeńni vośmaj siesii ŭchvalili zakonaprajekt ab orhanach dziaržbiaśpieki. Jak adznačyŭ, pradstaŭlajučy dakumient na razhlad parłamientaryjam, staršynia KDB Vadzim Zajcaŭ, zakonaprajekt vyznačaje pravavyja i arhanizacyjnyja asnovy dziejnaści orhanaŭ dziaržaŭnaj biaśpieki.
Pavodle jaho słoŭ, asablivych źmienaŭ u dakumiencie zaznaŭ artykuł ab prymianieńni zbroi i fizičnaj siły supracoŭnikami orhanaŭ. Zakonaprajektam detalizavana kontrraźviedvalnaja dziejnaść.
Akramia taho, prajekt zakona vyznačaje abaviazki i pravy orhanaŭ dziaržbiaśpieki i ich supracoŭnikaŭ, a taksama harantyi pravavoj i sacyjalnaj abarony supracoŭnikaŭ orhanaŭ dziaržbiaśpieki i členaŭ ich siamiej.