U Bataničnym sadzie prajšło śviata ciulpanavaha dreva — videa 5

17 červienia ŭ Minsku Centralny bataničny sad (CBS) Nacyjanalnaj akademii navuk Biełarusi pravioŭ śviata ćvicieńnia ciulpanavaha dreva.

Radzima ekzatyčnaj raśliny, pa-navukovamu — liryadendrana ciulpanavaha, — paŭdniova-ŭschodnija štaty ZŠA. Jano vyznačajecca jarkim i niezvyčajnym ćvicieńniem. Kvietki z bledna-zialonymi abo biełymi pialostkami i aranžavaj plamaj kala asnovy pa formie nahadvać ciulpan.

«Hetamu drevu — tryccać hadoŭ, jano nabrała svaju moc, i my bačym jaho ciapier va ŭsioj jaho pryhažości, — raskazaŭ BiełaPAN zahadčyk łabaratoryi intradukcyi draŭnianych raślin CBS Ihar Haranovič. — Jano bahata ćvicie amal kožny hod».

Ci možna vyraścić ciulpanavaje dreva samastojna? Možna, adkazvaje vučony. «Prablema tolki ŭ tym, što nasieńnie nie zaŭsiody jakasnaje, niedastatkova poŭnaziarnistaje, čaranki taksama ciažka ŭkaraniajucca. Kab navučycca razmnažać jaho bolš masava, sprabujem atrymać jaho advodkami. Ale ŭ prodažy hetaja raślina jość, možna nabyć. Majučy sadžaniec, vyraścić jaho nie prablema. Jano patrabavalnaje da hleby, maje patrebu ŭ dastatkovym aśviatleńni, adhukajecca na paliŭ, ale ŭsio heta charakterna i dla inšych dekaratyŭnych raślin», — skazaŭ Haranovič.

Pavodle jaho słoŭ, śviata prachodzić tolki ŭ pačatku ćvicieńnia ciulpanavaha dreva, praź niekalki dzion jano budzie vyhladać jašče pryhažej.

0

0

0

0

0

0

Videa Siarhieja Saciuka, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH