Pra heta paviedamiŭ hałoŭny pazaštatny ankołah Ministerstva achovy zdaroŭja, dyrektar RNPC ankałohii i miedycynskaj radyjałohii imia Alaksandrava Aleh Sukonka na
Pavodle jaho słoŭ, za apošnija dziesiać hadoŭ zachvorvańnie (na 100 tys. nasielnictva) pavialičyłasia ŭ krainie na 34%.
U 2011 hodzie na rak zachvareła bolš jak 44 tysiačy čałaviek.Pry zachavańni isnych tempaŭ rostu «praz 20 hadoŭ kolkaść štohod zachvarełych dasiahnie 78.000 u hod, što značna pavialičyć nahruzku na sistemu achovy zdaroŭja krainy». Na pačatak 2012 hoda na dyspansiernym uliku ŭ suviazi sa złajakasnymi novaŭtvareńniami znachodziłasia amal 250.000 čałaviek, što skłała bolš jak 2,5% nasielnictva krainy. Pry hetym dziesiać hadoŭ tamu, u 2001 hodzie, na dyspansiernym uliku stajała 155 tysiač čałaviek.
Sukonka adznačyŭ, što «ŭ suviazi z pastajannym praviadzieńniem u Respublicy Biełaruś supraćrakavych mierapryjemstvaŭ u apošnija hady praciahvaje pavialičvacca razryŭ pamiž uzroŭniami zachvorvańnia i śmiarotnaści».
Z 2002 hoda pakazčyki zachvorvańnia (na 100 tys. nasielnictva) ŭzraśli na 34,2%, a pakazčyki śmiarotnaści źnizilisia na 5,6%, što «śviedčyć pra niesumnienny prahres u dyjahnostycy i lačeńni ankałahičnych zachvorvańniaŭ».
Razam z tym na praciahu mnohich hadoŭ u struktury ŭsich pryčyn śmierci ankałahičnaja patałohija zajmaje druhoje miesca paśla chvarob sistemy krovazvarotu. U Biełarusi nazirajecca typovaja dla jeŭrapiejskaha kantynienta situacyja, kali praciahłaść žyćcia siarod mužčynskaha nasielnictva bolš za ŭsio skaračajecca z pryčyny śmiarotnaści ad złajakasnych novaŭtvareńniaŭ lohkich, toŭstaha kišečnika, straŭnika, siarod žančyn —
U bolšaj miery na pośpiechi ŭ źnižeńni śmiarotnaści ŭpłyvaje prafiłaktyka, stan rańniaj dyjahnostyki i ŭdaskanaleńnie mietadaŭ lačeńnia ankałahičnych chvorych, adznačyŭ Sukonka.
Pavodle jaho słoŭ, u cełym rostu ankałahičnych zachvorvańniaŭ spryjaje rost praciahłaści žyćcia i pavieličeńnie ŭpłyvu faktaraŭ ryzyki zachvorvańnia na rak. Sukonka padkreśliŭ, što častata ŭtvareńnia złajakasnych puchlin rezka pavialičvajecca z uzrostam, samyja vysokija ŭzrostavyja pakazčyki adznačajucca ŭ mužčyn i žančyn, jakim bolš za 60 hadoŭ. Tym nie mienš amal kožny treci chvory znachodzicca ŭ pracazdolnym uzroście.
Siarod faktaraŭ ryzyki zachvareć na rak jon nazvaŭ niapravilnaje charčavańnie, kureńnie, niespryjalnyja ekałahičnyja faktary, nielačeńnie roznych zapalenčych zachvorvańniaŭ, niezdarovy ład žyćcia ŭ cełym. Sumarny ŭniosak ukazanych faktaraŭ ryzyki ŭ dynamiku pavieličeńnia zachvorvańnia składaje dźvie traciny. Takim čynam, na praciahu apošniaha dziesiacihodździa ŭniosak źniešnich i indyvidualnych faktaraŭ ryzyki ŭ bolšaj stupieni ŭpłyvaŭ na rost ankałahičnaha zachvorvańnia, čym stareńnie nasielnictva, skazaŭ Sukonka.
