Goals.by zrabiŭ vialikaje intervju z baskietbalistkaj zbornaj Biełarusi Taćcianaj Troinaj.
U hutarcy była zakranutaja tema zajaŭki Biełarusi na praviadzieńnie čempijanatu Jeŭropy pa baskietbole ŭ 2015 h. [Biełaruś biez šancaŭ sastupiła prava praviadzieńnia Vienhryi — NN.]
— U lubym vypadku ja nie ździŭleny, što naš prezident [Łukašenka] abraŭ mienavita ciabie dla padrychtoŭki prezientacyjnaha rolika da čempijanatu
— Treba było zapisać videazvarot kiraŭnika dziaržavy, kab pierakanać čynoŭnikaŭ zZadumka — pakazać, što ŭsie hulajuć u baskietboł: i prezident, i moładź, i starejšyja viekam spartsmieny. Razam sa mnoj byli piaciora maładych dziaŭčataŭ, jakich treniruje Mikałaj Savič. My hulali try na try na adno kolca. Heta pieršaja častka rolika.FIBA-Jeŭropy hałasavać za Biełaruś.
Druhaja — Alaksandr Ryhoravič zabivaje, ja padnošu jamu miač, i kiraŭnik dziaržavy pačynaje videazvarot.Nie viedaju, jak usio atrymałasia, bo nie bačyła rolik. Ale, dumaju, niadrenna — dla prezidenta baskietbolny miač byŭ vidavočna nie ŭ navinu.
— Doŭha hulali?
— Nie, zdymki prajšli dosyć chutka. Za hadzinu spravilisia.
U rezidencyi kiraŭnika dziaržavy jość standartnaja zała z raspranalniami, nievialikaja «kačałka». Utulna, ale biez raskošy.
— Chvalavalisia pierad vizitam?
— Viadoma! Heta tabie nie na dyskateku schadzić.
— Zatoje ŭspaminaŭ zaraz chopić nadoŭha. Pra što hutaryli?
— Prezident spytaŭ pra situacyju ŭ zbornaj. Tady Bujalski [były hałoŭny trenier zbornaj, ź jakim źviazanyja ŭsie pośpiechi žanočaha biełaruskaha bastkietboła — NN] užo zajaviŭ pra sychod, ale kančatkovaj jasnaści nie było. Skazała i pra zału, što nam niama dzie ŭ Minsku narmalna treniravacca… A tak ničoha asablivaha.
— Paśla baskietboła vam zładzili ekskursiju?
— Ty što! Achova praviała nas, potym paviała. Zusim trochi bačyli, kali išli pa terytoryi rezidencyi.
(…)
— Ty cikavišsia palitykaj?
— Nie. Navat ni razu nie hałasavała: vybary ŭ asnoŭnym adbyvalisia, kali hulała za miažoj.