Videa «Salidarnaść».
21:15 Michasia Paškieviča zatrymali pa artykule 23-3 «umiašalnictva ŭ dziejańni supracoŭnikaŭ milicyi». 1 červienia adbudziecca sud. Paškievič znachodzicca ŭ RUUS Śvietłahorsku.
19:15 Aktyvistka inicyjatyŭnaj hrupy Taciana Kuhan i jašče troje siabraŭ hrupy znachodziacca kala RUUS. Padčas zatrymańnia ŭ RUUS trapili tolki aktyvisty HP i žurnalisty. A ŭłasna siabroŭ inicyjatyŭnaj hrupy, jakija kiravalisia ŭ Baravikoŭski sielsaviet, kab pieradać svaje dakumenty, nie začapili. Ciapier, pa słovach Taciany Kuhan, milicyjanty taksama nie źviartajuć na ich uvahu.
Žurnalistku Inu Studzinskuju dapytali i adpuścili. Jana pakinuła ŭ milicyi skarhu na hrubyja pavodziny majora Klepika, jaki padčas vykanańnia joju žurnalisckich abaviazkaŭ — vychadu ŭ prosty efir «Radyjo Svaboda» — załamiŭ joj ruku z telefonam i nie davzoliŭ pieradavać infarmacyju. Toj ža major Klepik pry zatrymańni paškodziŭ ruku aktyvistu «Havary praŭdu» Michasiu Paškieviču.
U RUUS znachodzicca taksama bieraściejskaja aktyvistka «Havary praŭdu» Hanna Kurłovič. Pa słovach Iny Studzinskaj, žurnalistu Alaksandru Barazienku mohuć pahražać «sutki», ale abvinavačańnie nieviadomaje.
19:06
Žurnalista Siarhieja Bałaja (internet-hazieta Salidarnaść) adpuścili u jaho kanfiskavali fłešku z adźniatym padčas sustrečy materyjałam. Kanfiskacyja adbyłasia na padstavie parušeńnia artykułu pra praviadzieńnie niesankcyjavanych masavych mierapryjemstvaŭ.
Adpuścili žurnalistku Radyjo Svaboda Inu Studzinskuju.
Pa słovach Bałaja, ciapier milicyjanty vyśviatlajuć, chto z zatrymanych źjaŭlajecca žurnalistam telekanała «Biełsat».
Pa słovach Iny Studzinskaj, žurnalistu Alaksandru Barazienku mohuć pahražać «sutki», ale abvinavačańnie nieviadomaje.
Aktyvistu "Havary praŭdu!" Michaiłu Paškieviču pry zatrymańni paškodzili ruku.
***
Milicyja Śvietłahorskaha rajonu (Homielskaja vobłaść) zatrymała aktyvistaŭ kampaniii «Havary praŭdu» i žurnalistaŭ, jakija pryjechali ŭ viosku Jakimava Słabada, kab nazirać za schodam žycharoŭ.
31 traŭnia ŭ Jakimavaj Słabadzie inicyjatyŭnaja hrupa sustrakajecca ź miascovymi žycharami. Čalcy hrupy chočuć arhanizavać miascovy referendum, kab daviedacca staŭleńnie žycharoŭ da vierahodnaha budaŭnictva ŭ inchaj miascovaści zavodu bielenaj celułozy.
Siabra inicyjatyŭnaj hrupy Taciana Kuhan: «Kali jašče nie było žurnalistaŭ, pryjechała milicyja. Mianie chacieli zatrymać. Ale źjavilisia rabiaty. I milicyja napała na ich. Paźniej ich źvieźli».
Michaś Paškievič: «Zaraz znachodzimsia ŭ śvietłahorskim RUUS. Nas zatrymali, kali vyjaždžali ź vioski Jakimava Słabada. Pravakacyja — admysłova inscyjanavali parušeńnie praviłaŭ. Rehulavanaje pierakryžavańnie, nie było nijakich znakaŭ. Zatrymlivali i daišniki, i milicyja, i ludzi ŭ cyvilnym. Zabrali dakumenty ŭ našaha kiroŭcy, pravy. Kiravaŭ zatrymańniami major Klepik».