Čyrvona-zialony ściah razam z «Pahoniaj» 82

Studyja «Adliha» vypuściła cišotki z čyrvona-zialonym ściaham, nadpisam «Karaleŭstva Vialikaja Litva» śpieradu i vyjavaj miača na śpinie.

Aŭtar idei — Alaksandr Parchomienka ź Minska. Jon indyvidualny pradprymalnik, handluje budmateryjałami. Historyjaj cikavicca «dla dušy». Ideju zrabić takija majki vynošvaŭ dva hady.

Na dumku Alaksandra,

biełarusam nie varta hrebavać spałučeńniem čyrvonaha dy zialonaha. Kali bieł-čyrvona-bieły — heta ściah Chrysta, to čyrvony ź zialonym — pahanskija kolery, kolery pryrody.

Ich možna pabačyć na hramatach Vitaŭta da teŭtonskaha mahistra.

Dastatkova zirnuć na ludziej, jakija ŭziali ŭ nas «Pahoniu» — heta sučasnaja Litva. Ich ściah — čyrvona-zialony z žoŭtaj pałoskaj źvierchu, histaryčnym koleram Žamojcii.

Ciažka patłumačyć čałavieku, jakija vyras na bieł-čyrvona-biełych simvałach, što čyrvona-zialonyja — taksama našy, skardzicca Alaksandr.

«Jość ludzi, jakija prasili mianie nie pryvozić hetyja cišotki. Ale, pabačyŭšy, potym jany mianie mocna abdymali».

Pa śpinie vyjaŭleny mieč, na jakim pieraličanyja 17 ziemlaŭ VKŁ — ad Kuršaŭ da Vałynianaŭ, dy nadpis: «Atlantyda. Regnum Letavia».

«Atłantyda» — aznačaje toje, što my lažym na dnie. My zaraz ślapyja kacianiaty, zmahajemsia sami z saboju. Nie viedajem, chto my, dzie susiedzi. Z kim pavinny być akrytyja miežy, palityčnyja i kulturnyja», kaža aŭtar idei.

«Niepavažna zmahacca z čyrvona-zialonymi kolerami i dumać, što heta z Uschodu. U takich varunkach my zmahajemsia sami z saboj,

i vorah tolki ciešycca, hledziačy na heta», — ličyć Parchomienka.

Nabyć takuju cišotku možna ŭ halerei «Ŭ» ci praz internet. Košt — 165 tysiač rubloŭ.

Aksana Rudovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH