Sfarmiravany skład chakiejnaj zbornaj Biełarusi dla ŭdziełu ŭ čempijanacie śvietu, jaki projdzie z 4 pa 20 maja ŭ Finlandyi i Šviecyi. Z chakieistaŭ, jakija vystupali na Kubku «Škody» ŭ Słavakii, na płanietarnaje pieršynstvo nie pajeduć forvard Alaksandr Paŭłovič («Dynama-Minsk») i abaronca Kirył Hataviec (Karnielski ŭniviersitet), paviedamlaje aficyjny sajt fiederacyi chakieja.
Kančatkovy rostar vyhladaje nastupnym čynam:
varatary: Andrej Miezin (1974, «Dynama-Minsk»), Vital Koval (1980, «Tarpieda», KCHŁ), Dźmitryj Milčakoŭ (1986, «Mietałurh-Žłobin»);
abaroncy: Uładzimir Dzianisaŭ (1984), Aleh Haroška (1989), Dźmitryj Korabaŭ (1989) (usie — «Dynama-Minsk»), Pavieł Čarnavok (1986, «Šachcior»), Andrej Antonaŭ (1985, «Nioman»), Ilja Kaznadziej (1989, «Mietałurh-Žłobin»), Viktar Kaściučonak (1979, «Aŭtamabilist», KCHŁ), Mikałaj Stasienka (1987, «Sievierstal», KCHŁ), Raman Hrabarenka (1992, «Drummanvil»);
napadajučyja: Andrej Michaloŭ (1978), Dźmitryj Mialeška (1982), Alaksandr Kułakoŭ (1983), Alaksandr Kitaraŭ (1987), Andrej Staś (1988), Siarhiej Drozd (1990), (usie — «Dynama-Minsk»), Andrej Kołasaŭ (1989, «Homiel»), Kanstancin Kalcoŭ (1981, biez kłuba), Andrej Ściapanaŭ (1986, «Amur», KCHŁ), Jaŭhien Kavyršyn (1986, «Sievierstal», KCHŁ), Michaił Hraboŭski (1984, «Taronta», NCHŁ), Alaksiej Uharaŭ (1985, «Tarpieda», KCHŁ), Alaksiej Kalužny (1977, «Avanhard», KCHŁ).
Nahadajem, napadajučyja «Nešviła» (NCHŁ) Andrej i Siarhiej Kaścicyny, pavodle słoŭ hałoŭnaha treniera zbornaj Kary Chiejkila, abiacali pryjechać na čempijanat śvietu ŭ vypadku vyletu ich kłuba z rozyhryšu Kubka Stenli. U hety momant «Nešvił» sastupaje ŭ čverćfinalnaj sieryi (da 4 pieramoh) «Finiksu» — 0:2.
Zbornaja budzie treniravacca da 2 maja ŭ Bracisłavie, a zatym vylecić u Chielsinki.
Biełarusy startujuć na čempijanacie śvietu 4 maja matčam ź finami.Zatym na hrupavoj stadyi jany zhulajuć sa zbornymi Šviejcaryi (6 maja), Kazachstana (8 maja), ZŠA (10 maja), Słavakii (12 maja), Francyi (14 maja) i Kanady (15 maja).
