Pavodle raspracoŭščykaŭ, heta samy zručny i chutki veb-braŭzer u paraŭnańni z papiarednikami. U toj ža čas było vyrašana admovicca ad fišak, hałasavych funkcyj i servisu Opera Unite. Častkova funkcyjanał hetych dapaŭnieńniaŭ piarojdzie ŭ pašyreńni.
U Opera 12 usie płahiny vykonvajucca ŭ vyhladzie asobnych pracesaŭ, pavialičanaja chutkaść pracy dziakujučy aptymizacyi apracoŭki SSL i źmienie ałharytmu zahruzki ŭkładak, abnoŭleny ruchavičok dla napisańnia i adlustravańnia tem.
Braŭzer prapanuje novyja mahčymaści dziakujučy padtrymcy getUserMedia - śpiecyjalizavanaha API, jaki dazvalaje vykarystoŭvać aparatnyja mahčymaści kampjutara, naprykład, ubudavanuju veb-kamieru. Akramia taho, płatforma pašyreńniaŭ Opera stała bolš funkcyjanalnaj sa źjaŭleńniem Windows API i Tabs API, jakija dazvalajuć pašyreńniam kiravać voknami i ŭkładkami.
Braŭzer taksama prapanuje aprabavać standart CSS3 Generated Content for Paged Media, raniej viadomy jak prajekt Opera Reader.
Jon dazvalaje adlustroŭvać veb-staronki ŭ vyhladzie knižnych staronak, aŭtamatyčna adfarmatavanych pad pamier ekrana kampjutara.U novaj viersii ŭdaskanaleny značok biaśpieki, dziakujučy čamu karystalniki zmohuć lahčej vyznačać stupień biaśpieki naviedvanych sajtaŭ. Naprykład, možna daviedacca, ci vykarystaje sajt infarmacyju pra miescaznachodžańnie karystalnika abo ci patrabujecca jamu uklučanaja veb-kamiera.
Siarod inšych novaŭviadzieńniaŭ varta adznačyć padtrymku funkcyi Do Not Track, ułaścivaściaŭ CSS3 Animations i Transitions, HTML5 Drag and Drop, Cross-Origin Resource Sharing, WebGL i aparatnaha paskareńnia, a taksama najaŭnaść 64-bitnych viersij Opera 12 dla Mac i Windows.
