U sudzie Savieckaha rajona Mienska prachodziać sudy nad aktyvistami zarehistravanaj u Čechii arhanizacyi «Małady front», jakich zatrymali 26 krasavika paśla zaviaršeńnia akcyi "Čarnobylski šlach". Muskaha i Vasiljeva vinavaciać u drobnym chulihanstvie (art.17.1 KoAP RB). Noč maładafrontaŭcy praviali ŭ Centry izalacyi pravaparušalnikaŭ.
Alaksiej Čuryłaŭ (sudździa Aksana Relava) asudžany na 10 sutak aryštu, Źmicier Šaŭlukievič -- na 15 sutak. Taksama Aksana Relava razhladaje spravu Michaiła Muskaha, sudździa Dźmitryj Paŭlučenka -- Mikoły Dziemidzienki.
Ramanu Vasiljevu vyklikali «chutkuju dapamohu» i advieźli ŭ 9-ju balnicu.
***
Paźniej Raman Vasiljeŭ i Michaił Muski byli asudžanyja na 15 sutak administracyjnaha aryštu. Jany, jak i astatnija asudžanyja maładafrontaŭcy, pryznanyja vinavatymi ŭ drobnym chulihanstvie. U pratakołach va ŭsich napisana, što jany łajalisia matam, razmachvali rukami, parušali hramadski paradak na vulicy Surhanava, kala doma № 50. Chacia šmatlikija śviedki bačyli zatrymańnie aktyvistaŭ na stancyi mietro "Maskoŭskaja".
Mikoła Dziemidzienka taksama asudžany na 15 sutak aryštu.
