Zamiest pasła Bałharyi ŭ Minsk viartajecca časovy pavierany ŭ spravach Bałharyi ŭ Biełarusi Ivajła Ivanaŭ.
Jak paviedamlaje pres-słužba Ministerstva zamiežnych spraŭ Bałharyi, pryznačeńnie Ivanava stała mahčymym u suviazi z rašeńniem usich krain — členaŭ Jeŭrasajuza ab "adnaŭleńni paŭnavartasnaj pracy dypłamatyčnych misij u Minsku". Paviedamlajecca, što dypłamat prybudzie ŭ Minsk 27 krasavika. Pryčyna rašeńnia ab pryznačeńni ŭ Biełaruś časovaha pavieranaha nie nazvana.
Pasoł Bałharyi Zachar Radukaŭ byŭ adklikany ź Minska ŭ kancy lutaha, kali razhareŭsia dypłamatyčny kanflikt pamiž Biełaruśsiu i ES z-za ŭviedzienych Jeŭrasajuzam sankcyj u dačynieńni da Biełarusi.
Jeŭrapiejskija pasły pačali viartacca ŭ Minsk paśla taho, jak dva tydni tamu ź miescaŭ źniavoleńnia byli vypuščany dva palitźniavolenyja, eks-kandydat u prezidenty Andrej Sańnikaŭ i jaho davieranaja asoba Dźmitryj Bandarenka. U Minsk užo prybyli kiraŭnik pradstaŭnictva ES Majra Mora, pasły Polščy, Šviecyi, Francyi, Hiermanii, Vienhryi, Litvy.
Siońnia akramia bałharskaha dypłamata ŭ Biełaruś pavinien viarnucca pasoł Čechii.
