Barys Bierazoŭski daść šerah kancertaŭ u Biełarusi 2

Druhi forum adkryvaje hrandyjozny opierny hała-kancert «Zorki suśvietnaj opiernaj sceny», jaki adbudziecca ŭ Nacyjanalnym akademičnym Vialikim teatry opiery i baleta. Udzielnikami kancerta buduć lepšyja salisty-vakalisty Jeŭropy i SND, jakija vystupiać u supravadžeńni Nacyjanalnaha fiłarmaničnaha arkiestra Rasii pad kiraŭnictvam narodnaha artysta SSSR maestra Uładzimira Śpivakova.

U vykanańni łaŭreataŭ mižnarodnych konkursaŭ słavutaha italjanskaha tenara, vučnia Łučana Pavaroci, salista opiernych teatraŭ Ryma, Bałońni i Hienui Ivana Mahry, viadučaj salistki Dziaržaŭnaha akademičnaha Vialikaha teatra Rasii Hanny Ahłatavaj (saprana) i barytona Anatola Siŭko, jaki vystupaje na lepšych jeŭrapiejskich opiernych scenach, prahučać žamčužyny suśvietnaj muzyčnaj kłasiki, nieŭmiručyja aryi i arkiestravyja frahmienty z opier Mocarta, Vierdzi, Huno, Bize.

Raskošnaja zała biełaruskaha Vialikaha teatra pieratvorycca ŭ staradaŭni kinateatr 21 krasavika i pieraniasie słuchačoŭ u niepaŭtornuju atmaśfieru niamoha kino 30-ch hadoŭ XX stahodździa. U hety viečar adbudziecca premjera ŭnikalnaha prajekta, jaki ź vielizarnym pośpiecham byŭ pradstaŭleny ŭ Rasii (Maskva) i Francyi (Kalmar), — pakaz bieśśmiarotnaha filma Čarli Čaplina «Ahni vialikaha horada». Muzyka da kinafilma, jakuju napisaŭ sam Čaplin, budzie hučać u žyvym vykanańni Nacyjanalnaha fiłarmaničnaha arkiestra Rasii ŭ składzie 120 čałaviek pad kiraŭnictvam Uładzimira Śpivakova.

22 krasavika fiestyval pradoŭžycca ŭ Homielskaj abłasnoj fiłarmonii. U simfaničnym kancercie rasijskaha fiłarmaničnaha arkiestra pad kiraŭnictvam Uładzimira Śpivakova prymie ŭdzieł pijanist Barys Bierazoŭski — muzykant redkaha sceničnaha abajańnia, ihra jakoha vyznačajecca nievierahodnaj technikaj. Jaho možna pačuć pa ŭsim śviecie — u Bierlinie i Ńju-Jorku, Amsterdamie i Łondanie, Paryžy i Maskvie, Sankt-Pieciarburhu i Miunchienie, Tokia i Jekaciarynburhu, Hamburhu i Afinach. U vykanańni Barysa Bierazoŭskaha prahučyć druhi kancert dla fartepijana z arkiestram Siarhieja Rachmaninava.

U Biełaruskaj dziaržaŭnaj fiłarmonii 23 krasavika publiku znoŭ čakaje niezabyŭnaja sustreča — hety viečar stanie sapraŭdnym śviatam dla prychilnikaŭ hitary. Na scenu vyjdzie aŭstralijski hitaryst-virtuoz, uładalnik unikalnaj impravizacyjnaj techniki ihry Tomi Emanuel. Stvareńnie tremała-efiektu šlacham «zhinańnia» hryfa hitary, virtuoznaje vałodańnie štučnymi fłažaletami, pierkusyjnymi efiektami — usio heta zrabiła muzyki papularnym i lubimym dla publiki ŭsich krain i kantynientaŭ — Tomi Emanuel daje štohod bolš jak 250 kancertaŭ na scenach Jeŭropy, Azii, Amieryki, Aŭstralii.

23 krasavika na scenie Mahiloŭskaj abłasnoj fiłarmonii znoŭ vystupiać Nacyjanalny fiłarmaničny arkiestr Rasii pad kiraŭnictvam Uładzimira Śpivakova i pijanist Barys Bierazoŭski.

Pradoŭžycca fiestyval 25 krasavika ŭ Niaśvižskim pałacy kancertam Barysa Bierazoŭskaha.

U Biełdziaržfiłarmonii adbudziecca 26 krasavika viečar Mocarta — u hety dzień vystupić «Kamierata Zalcburh» (Aŭstryja) — kamierny arkiestr z rodnaha horada vialikaha aŭstryjskaha kampazitara. Hety kalektyŭ z bahataj historyjaj i tradycyjami nieadnarazova zavajoŭvaŭ tytuł lepšaha interpretatara tvoraŭ Mocarta. Salist viečara — skrypač maestra Uładzimir Śpivakoŭ, dyryžor Arkadź Bieryn (Hiermanija).

27 krasavika ŭ pasolstvie Rasii ŭ Biełarusi budzie arhanizavany dabračynny kancert Dziaržaŭnaha akademičnaha kamiernaha arkiestra «Virtuozy Maskvy» pad kiraŭnictvam Uładzimira Śpivakova z udziełam stypiendyjataŭ Mižnarodnaha dabračynnaha fondu U.Śpivakova «Virtuozy Maskvy — siońnia i zaŭtra». Dabračynny kancert projdzie pad patranatam i pry sponsarskaj padtrymcy pasolstva Rasii ŭ Biełarusi.

Uračystaje zakryćcio fiestyvalu — 28 krasavika.

U zaklučnym kancercie na scenie Biełdziaržfiłarmonii vystupiać Dziaržaŭny akademičny kamierny arkiestr «Virtuozy Maskvy» pad kiraŭnictvam jaho stvaralnika, mastackaha kiraŭnika i hałoŭnaha dyryžora Uładzimira Śpivakova, a taksama salisty — stypiendyjaty Mižnarodnaha dabračynnaha fondu Śpivakova, łaŭreaty mižnarodnych konkursaŭ Daniił Charytonaŭ (fartepijana) i Nastaśsia Kabiekina (vijałančel). U kancercie prymie ŭdzieł łaŭreat mižnarodnych konkursaŭ trubač Siarhiej Nakarakaŭ (Rasija, Francyja).

Arhanizatary fiestyvalu — Ministerstva kultury Biełarusi, TAA «Bieryn Art Mieniedžmient» pry finansavaj padtrymcy Miždziaržaŭnaha fondu humanitarnaha supracoŭnictva dziaržaŭ — udzielnic SND, pasolstva Rasii ŭ Biełarusi.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH