Hałoŭnyja mety biełaruskich śpiecsłužbaŭ u Polščy — nazirańnie za hrupami apazycyi da ŭładaŭ u Minsku, jakija znachodziacca ŭ krainie, i ažyćciaŭleńnie kłasičnaj vyviednickaj dziejnaści.
Pra heta skazana ŭ spravazdačy Ahienctva ŭnutranaj biaśpieki (AUB) za 2011 hod. Jak paviedamlaje Polskaje ahienctva druku, kiraŭnik AUB Kšyštaf Bandaryk pradstaviŭ spravazdaču hramadskaści 16 krasavika.
Pa słovach Bandaryka,
cikavaść zamiežnych vyviedak, u tym liku biełaruskaj i rasijskaj, u asnoŭnym vyklikaje polski enierhietyčny siektar, u pryvatnaści, słancavy haz i atamnaja enierhietyka. Takoha rodu cikavaść naturalnaja z punktu hledžańnia «resursnaj ułady» Rasii,ličyć jon.
Siarod inšaha ŭ spravazdačy
skazana pra raskryćcio dziejnaści dvuch biełarusaŭ u intaresach vajennaj vyviedki svajoj krainy. Pa prapanovie AUB, jany byli vysłanyja z Polščy,paviedamiŭ Bandaryk. (KDB Biełarusi hetuju infarmacyju nie kamientuje.)
Bandaryk taksama raspavioŭ, jak kadravy aficer biełaruskaj raźviedki chacieŭ ažyćciaŭlać na terytoryi Polščy dziejnaść «pad prykryćciom» dypłamata.Kontrvyviedka AUB rekamiendavała MZS Polščy admović jamu ŭ akredytacyi.
0
0
0
0
0
0
