Z 27 pa 29 krasavika ŭ Biełarusi projdzie11-ty fiestyval siaredniaviečnaj i falkłornaj muzyki «Dudarski fest». Ab hetym paviedamiŭ adzin z arhanizataraŭ tvorčaj akcyi, mastacki kiraŭnik hrupy siaredniaviečnaj biełaruskaj muzyki «Stary Olsa» Źmicier Sasnoŭski 4 krasavika ŭ Minsku na prezientacyi mierapryjemstva.
Pavodle jaho słoŭ, hety fiestyval budzie adroźnivacca ad papiarednich, u pieršuju čarhu stylistykaj. «Naprykład, kali dva hady tamu my adznačali, što stylistyka muzyki vałynki ŭplatajecca ŭ ciažki rok u spałučeńni z narodnymi instrumientami, to siońnia ŭsio
Muzykant paviedamiŭ, što na «Dudarski fest» pryjeduć nie tolki prafiesijnyja vałynščyki, ale i maładyja vykanaŭcy. «Naprykład, na scenie źjaviacca padletki ad 12 da 15 hadoŭ — hurt ź Ivianca «Raroh», — skazaŭ Sasnoŭski.
Upieršyniu na biełaruskim fiestyvali vałynki vystupiać Viktar Lavicki — pryznany majstar ihry na vałyncy z Ukrainy, i polski hurt Tryzna.
Akramia taho, pavodle słoŭ Sasnoŭskaha, praduhledžany tancavalnyja kancerty, kanfierencyja vykanaŭcaŭ muzyki na vałyncy na chutary Šaŭłovičy (Vałožynski rajon Minskaj vobłaści), vystupleńnie ŭ muziejnyi kompleksie «Dudutki», dzie projdzie navučańnie tancam pad vałynku. U mierapryjemstvach voźmie ŭdzieł teatr tanca «Javaryna», jaki zajmajecca raspracoŭkaj i pastanoŭkaj sceničnych i masavych varyjacyj staražytnych tancaŭ.
Papiaredniaja prahrama:
27.04 – kancert-adkryćcio (płanujemaje miesca – DK vieteranaŭ);
28.04 – Dudarskaja kanfierencyja na chutary Šaŭłovičy (Vałožynski rajon);
29.04 – kamierny kancert-kanfierencyja ŭ Muziejnym kompleksie “Dudutki” (pieršaja pałova dnia);
29.04 – tancavalny folk-madernovy kancert-zakryćcio (płanujemaje miesca – adzin z kłubaŭ Minsku).