Pra heta zajaviŭ siońnia dyrektar Instytuta movy i litaratury imia Jakuba Kołasa i Janki Kupały Nacyjanalnaj akademii navuk Alaksandr Łukašaniec padčas kruhłaha stała «Papularyzacyja biełaruskaj movy: sučasnaść i pierśpiektyvy», prymierkavanaha da Mižnarodnaha dnia rodnaj movy 21 lutaha.
«Biełaruskaja mova — adna ź dziaržaŭnych u našaj krainie, adnak, niahledziačy na vysoki zakanadaŭčy status, isnujuć prablemy ź jaje vykarystańniem»,— skazaŭ Alaksandr Łukašaniec.
Jon asabliva adznačyŭ, što biełaruskaja mova źjaŭlajecca vysokaraźvitaj litaraturnaj movaj, jakaja ŭ stanie paśpiachova absłuhoŭvać usie śfiery žyćcia hramadstva.
Bolš za toje, biełaruskaja mova siońnia pranikaje ŭ tyja śfiery, u jakich nie byŭ zadziejničany raniej, —«Heta śviedčyć pra toje, što jana realna zapatrabavanaja i maje tendencyi da pašyreńnia ŭ vykarystańni», — adznačyŭ Alaksandr Łukašaniec.internet-kamunikacyi i relihiju.
Pavodle jaho słoŭ, u Instytucie movy i litaratury padrychtavanyja fundamientalnyja pracy, u jakich dajecca sistemnaje, paśladoŭnaje apisańnie biełaruskaj movy na ŭsich uzroŭniach, a taksama pracy, jakija zabiaśpiečvajuć patreby sučasnaj moŭnaj praktyki. Hetyja daśledavańni faktyčna źjaŭlajucca bazaj dla navučalnaj litaratury ŭsich uzroŭniaŭ adukacyi.
Akramia taho, u instytucie rychtujucca takija fundamientalnyja pracy, jak, naprykład, histaryčny zbornik i etymałahičny słoŭnik biełaruskaj movy. «Jany zabiaśpiečvajuć prestyž biełaruskaj movy va ŭsim śviecie»,— pierakanany dyrektar Instytuta movy i litaratury.
«Siońnia ŭ krainie sfarmiravana nieabchodnaja faktałahičnaja baza, jakaja daje mahčymaść biełaruskaj movie jak dziaržaŭnaj zajmać naležnaje miesca va ŭsich śfierach žyćcia hramadstva», — reziumavaŭ Łukašaniec.
