Ciapier na rasijskich telekanałach idzie nie tolki rekłama tavaraŭ, ale i prapanoŭvajecca zrabić pravilny vybar 4 sakavika, kali kraina budzie abirać prezidenta.
U Rasii, u adroźnieńnie ad Biełarusi, ahitacyjnyja roliki na telekanałach dazvolenyja. Pahladzim, što prapanujuć vybarcam kandydaty.
Pucin
Za dziejnaha prem'
Viadomy śpiavak Stas Michajłaŭ kaža: «Ja chaču, kab dzieci žyli spakojna, kab była stabilnaść u hramadstvie, kab ludzi adčuvali siabie abaronienymi». Ničoha nie nahadvaje takaja rytoryka?
«Ja ŭ im adčuvaju siłu», — kaža Stas Michajłaŭ pra Pucina. Łozunh kampanii Pucina «Vialikaj krainie — mocny lidar».
Taksama za Pucina ahitujuć fihurystka Taćciana Naŭka, dyryžor Valery Hierhijeŭ, śpiavak Siarhiej Trafimaŭ, ministr MNS Siarhiej Šajhu, akcior Aleh Tabakoŭ, aktrysa Alisa Frejndlich.
Vykazałasia ŭ padtrymku prem'
Ziuhanaŭ
«Vybaru niama? — pytajucca stvaralniki rolikaŭ u padtrymku Hienadzia Ziuhanava. — Vybar jość zaŭsiody adrazu ž dajuć adkaz». Paśla čaho iduć kadry rečak, lasoŭ i ptušak na fonie kandydata ad KPRF. «4 sakavika vybirajem Ziuhanava», — havorycca ŭ roliku.
U inšym klipie ŭ padtrymku Ziuhanava alimpijski čempijon Raman Kastamaraŭ (jahonaja partniorka pa fihurnym koŭzańni Taćciana Naŭka ahituje za Pucina), nobieleŭski łaŭreat Žares Ałfioraŭ, lidar «Levaha frontu» Siarhiej Udalcoŭ, artysty Juryj Nazaraŭ i Uładzimir Bartko, režysior Mikałaj Hubienka čytajuć vierš Puškina «Da Čaadajeva»:
Poka svobodoju horim,
Poka sierdca dla čiesti živy,
Moj druh, otčiźnie pośviatim
Duši priekrasnyje poryvy!
Tovariŝ, vieŕ: vzojdiet ona,
Źviezda plenitielnoho sčasťja,
Rośsija vsprianiet oto sna,
I na obłomkach samovłasťja
Napišut naši imiena!
Žyrynoŭski
«Błazan» rasijskaj palityki Uładzimir Žyrynoŭski znoŭ u svaim repiertuary. Jak baryn, u futry, z nahajkaj u ruce, jon siadzić u minijaturnaj bryčcy, u jakuju zaprežany asioł. «Simvałam Rasii zaŭsiody była trojka ŭdałaja z bubiancami. A ciapier my ŭ što pieratvarylisia? — pytajecca Žyrynoŭski. — Voś hety paršyvy, maleńki voślik simvał našaj krainy. Kali ja stanu prezidentam, to ŭ nas znoŭ źjavicca ŭdałaja trojka», — kryčyć kandydat, bjučy knutom voślika. Toj ź vialikaj ciažkaściu ŭsio ž zmoh zrušyć ź miesca. «Žyrynoŭski, i budzie lepš», — kaža jahony łozunh. Potym lidaru ŁDPR daviałosia apraŭdvaŭcca, što heta nijaki nie sadyzm, a voślik užo piać hadoŭ ničoha nie rabiŭ.
U inšym roliku Žyrynoŭski raskazvaje nakolki viernyja sabaki i nakolki łžyvyja ludzi. «Ludziam vy možacie šmat čaho davać, a jany mohuć vam zdradzim», — kaža palityk, dalej nachvalvajučy svajho sabaku. Ciažka skazać, jak hety klip dapamoža Žyrynoŭskamu zavajavać vybarcaŭ. Chacia ci treba?
Procharaŭ
Šmat šumu narabiła rekłama za kandydata ŭ prezidenty, miljaniera Michaiła Procharava. Idzie šlubnaja cyrymonija ŭ ZAHSie, ale raptoŭna vyśviatlajecca, što «žanicha» Procharava ŭ zale niama. «Dzie Procharaŭ?» — uźnikaje rytaryčnaje pytańnie. Tut źjaŭlajecca niejki nieviadomy chłopiec, jaki śmieła biare niaviestu pad ruku, kažačy: «Procharaŭ spravaj zaniaty. Ja za Procharava». Paśla niajomkaj paŭzy astatnija taksama paŭtarajuć «I my za Procharava». Spałochanym tolki vyhladaje tvar niaviesty.
Padobnaja rekłama jość nie tolki z ZAHSu, ale i sa škoły. Dzie nastaŭnica robić pieralik vučniaŭ. Siarod školnikaŭ apynajucca chłopčyki z charakternymi proźviščami «Ziuzianaŭ» i «Žyžynoŭski», jakija lanotna adkazvajuć, što na miescy. Praŭda, u kłasnym žurnale takich nie apynajecca. A voś kruhłaha vydatnika Procharava na miescy niama. Urešcie ŭvieś kłas, uklučna ź Ziuzianavym i Žyžynoŭskim kažuć: «My za Procharava».
Mironaŭ
Lidar partyi «Spraviadlivaja Rasija» Siarhiej Mironaŭ robić staŭku na aśviatleńnie takich temaŭ, jak karupcyja, sumlennaść. Jon prysłuchoŭvajecca da prostych ludziej. «Treba mianiać uładu i ja pajdu da kanca. Ja pieramohu nie zdam, bo dušu i Radzimu nie pradaju», — kaža Mironaŭ.
Taksama adnoj z metavych hrup Mironava vyhladajuć piensijaniery. U adnym z rolikaŭ staryja ludzi navat nie mohuć nabyć sabie małaka. U televizary ŭ hety čas idzie vystup Mironava, jaki abiacaje dastojnyja piensii. «Voś za kaho treba hałasavać», — kaža dziadula.
