Nacbank zakłaŭ na 2012 hod kurs dalara 9 150 rubloŭ

Siońnia, vystupajučy na ​​II Mižnarodnym Forumie «Rynak kapitału Respubliki Biełaruś» namieśnik staršyni Nacyjanalnaha banka Biełarusi Siarhiej Dubkoŭ adznačyŭ, što pačałosia źnižeńnie staŭki refinansavańnia — heta, u bolšaj stupieni, stanoŭčy sihnał rynku, čym ekanamičnaja miera stymulavańnia kredytavańnia. Jon adznačyŭ taksama, što Nacbank nie płanuje ŭvodzić abmiežavańni na kredytavańnie ŭ valucie jurydyčnych asob.

Siarednieŭzvažany kurs rubla na hety hod, jaki zakładvaje ŭ raźlikach Nacbank, składaje 9 150 rubloŭ.

Adznačyŭ S.Dubkoŭ i toje, što Nacbank pastupova płanuje sychodzić ad miechanizmu datavańnia dziaržavaj najbujniejšych dziaržbankaŭ:

«Hetaj praktycy bolš 10-ci hadoŭ. Dziakujučy hetamu my zmahli pavialičyć statutny fond i zabiaśpiečyć ekanamičny rost. Ale zaraz naša zadača stvaryć pravilnuju sistemu finansavańnia dziaržprahram. Adzin ź instrumientaŭ, jaki my budziem vykarystoŭvać, heta Bank raźvićcia. Kali Bank raźvićcia stanie paŭnavartasnaj strukturaj, pačnie narmalna pracavać, hetaja prablema sydzie», — skazaŭ S.Dubkoŭ.

Tym nie mienš, jon padkreśliŭ, što heta šmathrannaje pytańnie, i ŭ pierśpiektyvie treba adychodzić ad hetaha miechanizmu.

«Treba pryvučyć siabie i banki karystacca tymi hrašyma, jakija hienieruje ekanomika. Bo kali hrošy hienieruje Nacbank-to heta ŭžo emisija, — adznačyŭ S.Dubkoŭ. — My istotna abmiežavali, a ciapier — i nie padtrymlivajem likvidnaść bankaŭskaj sistemy. Treba kab banki razumieli, što źviartacca pa hrošy ŭ Nacbank — heta doraha i nieefiektyŭna», — skazaŭ Dubkoŭ.

0

0

0

0

0

0

Infobank.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH