Velcom u sakaviku pavyšaje taryfy na pasłuhi suviazi 3

Apieratar mabilnaj suviazi ZP «Viełkom» (handlovyja marki velcom i Priviet) pavyšaje košt šerahu svaich pasłuh.

Jak paviedamlaje pres-słužba kampanii, 1 sakavika vyraście abanienckaja płata na niehałasavyja taryfnyja płany, a 20 sakavika — abanienckaja płata, košt zychodziačych vyklikaŭ asobnych taryfnych płanaŭ, razavych i dadatkovych taryfaŭ, a taksama pakietaŭ mabilnaha interneta. Dla niekatorych taryfnych płanaŭ źmianieńnie koštu nie adbudziecca abo budzie minimalnym, adznačyli ŭ pres-słužbie.

Vieličynia štomiesiačnych płaciažoŭ za abstalavańnie, nabytaje ŭ rasterminoŭku, zastaniecca bieź źmianieńniaŭ.

Na kolki vyrastuć ceny, nie paviedamlajecca.

Z novymi cenami na pasłuhi suviazi možna budzie aznajomicca z 1 i 20 sakavika na sajcie kampanii www.velcom.by abo ŭdakładnić pa telefonach daviedačna-infarmacyjnaj słužby: z mabilnaha — 411 (zvanok u sietcy velcom biaspłatny) i 150 (zvanok płatny), z haradskoha — (017) 330 30 30 (zvanok płatny).

Heta budzie druhoje pavyšeńnie mabilnym apierataram koštu svaich pasłuh suviazi sioleta. Ab tym, što ceny pavysiacca z 20 lutaha, «Viełkom» abjaviŭ u studzieni.

U 2011 hodzie «Viełkom» trojčy pavyšaŭ pasłuhi suviazi, apošni raz (na 15%) — 30 listapada.

ZP «Viełkom» utvorana ŭ 1998 hodzie. Ciapier 100% kampanii naležyć Telekom Austria Group. Abanienckaja baza apieratara na kaniec druhoha kvartała 2011 hoda skłała 4,461 miljona.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH