«My paŭtarajem naš zaklik da nieadkładnaha, biezumoŭnaha vyzvaleńnia i poŭnaj reabilitacyi ŭsich palityčnych źniavolenych u Biełarusi»,— zajaviŭ pradstaŭnik ZŠA pry ABSIE Ien Kieli, vystupajučy na pasiadžeńni Pastajannaha savieta ABSIE ŭ Vienie 2 lutaha.
Tekst jaho vystupleńnia raźmieščany na sajcie misii ZŠA pry ABSIE. Paviedamlajecca taksama, što na pasiadžeńni ŭ Vienie prysutničaŭ kamisar Savieta Jeŭropy pa pravach čałavieka Tomas Chamarbierh. Pavodle słoŭ Kieli, ZŠA poŭnaściu ŭchvalajuć kaardynacyju, jakaja ažyćciaŭlajecca pamiž ABSIE i Radaj Jeŭropy, a taksama kaardynacyju pamiž Biuro pa demakratyčnych instytutach i pravach čałavieka ABSIE i ofisam kamisara Rady Jeŭropy pa pravach čałavieka.
«My cenim tuju ŭvahu, jakuju vy nadajacie ŭ svajoj dziejnaści na hetaj pasadzie spravie abarony pravoŭ čałavieka, i, u pryvatnaści, vašu padtrymku Alesia Bielackaha ŭ Biełarusi, — skazaŭ Kieli, źviartajučysia da Chamarbierha. — My byli ŭražany, kali daviedalisia pra aryšt i zatrymańnie 27 studzienia pravaabaroncy Aleha Vołčaka — čarhovym u bieśpierapynnaj sieryi sprob prymusić zamoŭknuć krytykaŭ režymu Łukašenki».
Kieli zapeŭniŭ, što sumiesna ź jeŭrapiejskimi partniorami ZŠA buduć praciahvać sačyć za raźvićciom padziej u Biełarusi i damahacca pryciahnieńnia da adkaznaści ŭsich asob, vinavatych u represijach. «My taksama
