Pavodle afrykanskaha infarmacyjnaha partału allAfrica, byłyja nihieryjskija bajeviki praviaduć piać hadoŭ u Biełarusi, vyvučajučy takija śpiecyjalnaści, jak infarmatyka, naftachimija i radyjoelektronika.
Partał piša, što ŭ Biełarusi nihieryjcy buduć vučycca ŭ Biełaruskim dziaržaŭnym univiersitecie, ale nie vyklučana, što nasamreč majecca na ŭvazie Biełaruski dziaržaŭny ŭniversitet infarmatyki i radyjoelektroniki.
Kožny z navučencaŭ atrymaŭ ad nihieryjskaha ŭrada na darohu
Pavodle zhadanaha partału,
sioleta ŭradavaj prahramaj navučańnia ŭ Nihieryi i za miažoj buduć achoplenyja kala 12 tysiačaŭ byłych bajevikoŭ, jakija raniej zmahalisia suprać uradavych siłaŭ u delcie raki Nihier.
U delcie Nihiera znachodziacca bahatyja radoviščy nafty, zdabyvańniem jakoj zajmajucca takija mižnarodnyja kampanii jak Royal Dutch Shell, Exxon Mobil i Chevron. Apłaty za karystańnie radoviščami źjaŭlajucca asnoŭnaj krynicaj dachodaŭ nihieryjskaha ŭradu.
Niekalki hadoŭ tamu nihieryjski federalny ŭrad i paŭstancy ŭ delcie Nihiera damovilisia ab zamireńni dy amnistyi.
Pavodle ahienctva Reuters, kožny z bajevikoŭ, jakija padpali pad amnistyju, atrymaŭ ad uradu miesiačnuju stypiendyju na 420 dalaraŭ (heta ličycca vielmi prystojnaj sumaj u krainie, dzie bolšaść nasielnictva vymušana pražyć dzień na dva dalary).
