Dyrektarka infarmacyjna-turystyčnaha centra «Minsk» narakaje, što aburanyja ludzi telefanujuć i pišuć listy bieśpierapynna.
Užo sioleta ŭ Minsku ŭstalujuć infarmacyjnyja ščyty i strełki-ŭkazalniki, jakija dapamohuć zamiežnikam lepš aryjentavacca ŭ horadzie. Dla hetaha vyznačanyja 44 turystyčnyja miescy. Heta parki imia Maksima Horkaha i Čaluskincaŭ, rajon Opiery, Niamiha dy inšyja abjekty.
Ale na jakoj movie buduć nadrukavanyja ŭkazalniki? Sa spasyłkaj na ahienctva «Minsk-Naviny» «Naša Niva» raspaŭsiudziła infarmacyju, što pracoŭnymi movami abranyja rasijskaja i anhlijskaja. Pakolki kančatkovaje rašeńnie nie było pryniata, my zaklikali listavać u infarmacyjny-turystyčny centr «Minsk».
Jak vyjaviłasia,
biełaruskaja mova va ŭkazalnikach usio ž źjavicca.
«Infarmacyja, jakaja była vykładzienaja ŭ internecie, niekarektnaja. Ad pačatku prajekta było vyrašana, što ŭkazalniki buduć zroblenyja pa-biełarusku i pa-anhlijsku. Pryčym
hałoŭnaja mova — biełaruskaja. Heta adnaznačna, —
kaža dyrektarka infarmacyjna-turystyčnaha centra «Minsk» Alena Plis. — Nam pryjšło kala 40 listoŭ u internecie, adzin za adnym prychodziać zakaznyja listy i razdajucca zvanki, — praciahvaje jana. — Ale biełaruskaja mova budzie abaviazkova!
Kali źjavicca patreba ŭ tym, kab raźmiaścić infarmacyju i pa-rasijsku, to heta budzie treciaja mova».