Adkul biarucca lapy kštałtu Skaryny Picierskaha? 24

Niadaŭna Łukašenku złavili albo na niaviedańni, albo na prostaj chłuśni: adkazvajučy padčas pres-kanfierencyi 23 śniežnia na pytańnie pra biełaruski katynski śpis, jon zajaviŭ, što «nivodnaha palaka na terytoryi Biełarusi źniščana nie było». Pry hetym jon padkreśliŭ, što «zajmaŭsia pytańniem».

Takoha kštałtu lapy — firmovy znak jak by historyka Łukašenki.

I kali kopirajt na samyja fantastyčnyja pierliny, kštałtu Franciška Skaryny ŭ Piciery, biezumoŭna naležać jamu samomu, bieźlič drabniejšych pamyłak, ščodra rassypanych pa łukašenkaŭskich pramovach na histaryčnyja temy — zasłuha jahonych śpičrajteraŭ.

Kali Łukašenka kaža, što jon «zajmaŭsia pytańniem» — značyć, jahonyja padnačalenyja rychtavali dla jaho admysłovaje daśje.

Miarkuju, što mienavita jany pradstavili polskich aficeraŭ, rasstralanych ŭ Katyni (4 421 čałavieka), jak katynski śpis, jaki nasamreč naličvaje 21 857 achviar i uklučaje 7 305 čałaviek, rasstralanych u turmach Zachodniaj Biełarusi i Zachodniaj Ukrainy.

Jak i ŭ vypadku z katynskim śpisam, chałturnaja praca łukašenkaŭskaj absłuhi najbolš vidavočnaja tady, kali havorka idzie pra ličby.

Asabliva cikavymi źjaŭlajucca vypadki, kali z dosyć vialikaj vierahodnaściu možna adsačyć pachodžańnie lapaŭ.

Voś tolki adzin prykład: «tolko v Briestskoj krieposti hitlerovcy potieriali stolko žie živoj siły, skolko vo vriemia vsiej francuzskoj kampanii»

(z vystupu Łukašenki na ŭračystym zbory, pryśviečanym 65-hodździu pieramohi ŭ Vialikaj Ajčynnaj vajnie, 7 maja 2010 hoda).

Straty 45-j piechotnaj divizii viermachta, jakaja šturmavała Bresckuju krepaść, dobra viadomyja: 453 zabitych, 668 paranienych. Dobra viadomyja i niamieckija straty padčas francuzskaj kampanii: 45 074 zabitych, 110 043 paranienych, 18 384 — prapaŭšych bieź viestak

(u bolšaści vypadkaŭ heta aznačaje, što jany zahinuli taksama).

Jak kažuć, acanicie roźnicu.

Čamu maŭčyć Instytut historyi NAN — zrazumieła. Ale cikava, čamu łukašenkaŭskija śpičrajtery paličyli, što hetyja straty roŭnyja?

Zdajecca, adkaz možna znajści na ruskaj staroncy Vikipiedyi, u artykule «Francuzskaja kampanija». U vynikovaj kałoncy «Čałaviečyja straty» straty Francyi, Bielhii, Niderłandaŭ, Luksiemburhu i Polščy abjadnanyja: 360 000 zabitych i paranienych, a voś straty ich praciŭnikaŭ — Hiermanii i Italii — dajucca paasobku. Straty Italii — 1 247 zabitych i 2 631 paranienych — stajać unizie. Vyhladaje, što chałturščyki pryniali hetyja ličby za straty niemcaŭ, krychu ich pierakrucili (jany ŭsio roŭna bolšyja, čym straty pry šturmie Bresckaj krepaści) i ŭstavili ŭ tekst pramovy.

Cikava, ci pralezie hetaje «adkryćcio» ŭ padručniki? I ŭvohule, quousque tandem, prykarytnyja chałturščyki?

Julij Karaloŭ, arche.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH