Praciahvajecca zbor srodkaŭ, jakija byli prysudžanyja Alesiu Bialackamu da vypłaty ŭ jakaści “škody, naniesienaj złačynstvam”. Siońnia žonka Alesia – Natalla Pinčuk daviedałasia, što na rachunak pastupiła ŭžo bolš za 600 miljonaŭ rubloŭ (bolš čym 70 tysiač dalaraŭ).
Siamja i kalehi Alesia Bialackaha vykazvajuć vialikuju ŭdziačnaść usim, chto zmoh dapamahčy źniavolenamu pravaabaroncu, a taksama ŭsim, chto ŭ hetyja ciažkija dla jaho dni padtrymlivaŭ maralna, dasyłajučy listy i paštoŭki ŭ turmu.
Nahadajem, što summa, jakuju, zhodna z rašeńniem suda, Aleś Bialacki pavinien vypłacić, składaje 757 młn. 526 tys. 717 rubloŭ (prykładna kala 90 tysiačaŭ dołaraŭ).Natalla Pinčuk adznačaje, što kali na rachunak pastupić bolš srodkaŭ, to jany pojduć na apłatu padatku, jaki žonka pravaabaroncy pavinna budzie vypłacić (12% ad ahulnaj sumy).
Hrošy mohuć pieraličać tolki hramadzianie Respubliki Biełaruś.
Filijał № 529 «Biełśviaź» AAT «ASB Biełarusbank», kod banka 720, adździaleńnie 112.
kod płaciaža: 3819382100776
№ bankaŭskaha ŭkładu: 01053568
vid płaciaža: achviaravańnie (albo dobraachvotny płaciež)
Atrymalnik płaciaža: Pinčuk Natalla Siarhiejeŭna.
0
0
0
0
0
0
