U Minsku ŭručać premiju imia Hiedrojca za najlepšuju knihu prozy-2011

Pasolstva Respubliki Polšča ŭ Respublicy Biełaruś, Polski Instytut u Minsku, Biełaruski PEN-Centr, Sajuz biełaruskich piśmieńnikaŭ abviaścili pra zasnavańnie Litaraturnaj premii Hiedrojca za najlepšuju knihu prozy jakaja vyjšła ŭ 2011 hodzie na biełaruskaj movie.

Ježy Hiedrojc (1906–2000) — publicyst, palityk, zasnavalnik i redaktar paryžskaha časopisa «Kultura». Jon naradziŭsia ŭ Minsku i ŭ svajoj kulturnaj dziejnaści byŭ paśladoŭnym prychilnikam dobrasusiedzkich znosinaŭ pamiž Polščaj i Biełaruśsiu, Litvoj, Ukrainaj.

Litaraturnaja premija Hiedrojca prysudžajecca za najlepšuju knihu, vydadzienuju (u papiarovym abo elektronnym varyjantach) u 2011 hodzie na biełaruskaj movie ŭ žanrach «mastackaja proza», «eseistyka» (žury premii pakidaje za saboj prava vyznačać žanr tvoraŭ u sprečnych vypadkach). Na pačatku 2012 h. budzie abvieščany łonh-list premii (12 knih). Na pačatku lutaha — šort-list (6 knih).

Abviaščeńnie i ŭšanavańnie pieramožcy adbudziecca 3 sakavika 2012 hoda, u Mižnarodny dzień piśmieńnika.

Siarod uznaharodaŭ — mahčymaść vydać knihu ŭ Polščy, litaraturnyja stypiendyi i zaprašeńni ŭ jeŭrapiejskija damy tvorčaści.

Prava prapanoŭvać knihi dla ŭklučeńnia ŭ łonh-list premii majuć: siabry žury, dyrektary vydaviectvaŭ, kiraŭniki tvorčych supołak i piśmieńnickich arhanizacyj.

Dla naminacyi knihi na premiju nieabchodna dasłać abo pieradać u siadzibu Biełaruskaha PEN-Centra padpisanuju zajaŭku ŭ advolnaj formie, dałučyŭšy da jaje 5 asobnikaŭ naminavanaj knihi.

U žury konkursu ŭvajšli jak biełarusy (piśmieńnik Uładzimir Arłoŭ, paet, staršynia Biełaruskaha PEN-centra Andrej Chadanovič, staršynia Sajuza biełaruskich piśmienikaŭ Barys Piatrovič, krytyki Ludmiła Rubleŭskaja i Marharyta Alaškievič), tak i pradstaŭniki Polščy — pierakładčyk i prezident Polskaha PEN-kłuba Adam Pamorski, dyrektar Polskaha Instytutu ŭ Minsku Piotr Kazakievič. Hanarovy staršynia žury — pasoł Polščy ŭ Biełarusi Lešak Šarepka.

Na siońnia žury razhledzieła bolš za dvaccać pretendentaŭ. Adnak u achvočych

jašče jość mahčymaść padać zajaŭku da 10 studzienia 2012 h.

Zajaŭki možna padavać na paštovy adras: 220050 Minsk, a/s 218.

Daviedki pa pytańniach vyłučeńnia: (017)288-14-61 (ad 9.00 da 16.00 pa budniach) e-mail: [email protected]

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH