Pryniać vannu z «Pannaj Niaśviža» 35

Myła «Panna Niaśviža» maje hłyboki sałodki vodar.

Halina Jaščanka zaŭždy maryła stvaryć niešta ŭnikalna biełaruskaje.

Nabyć jaho možna na sajcie www.karali.by.

Łahatyp u vyhladzie šlachietnaha hierba dla «Karali» prydumaŭ Michał Aniempadystaŭ, aŭtar «Narodnaha alboma».

Myła «Cud na Kalady» maje ciopły śviatočny vodar.

Liniejka hatunkaŭ na kožny hust.

U svoj čas Halina Jaščanka była aktyvistkaj «Zadzinočańnia biełaruskich studentaŭ». Siońnia jana lubiačaja žonka i maci dvuchhadovaha Nastasia. Pracuje finansavym kansultantam ŭ zamiežnaj kansałtynhavaj kampanii «McKinsey&Company».

Jašče z časoŭ studenctva ŭ dziaŭčyny była zaduma stvaryć niešta ŭnikalnaje i pry hetym svajo, biełaruskaje. U vyniku mara materyjalizavałasia ŭ całkam realny pradukt — myła «Karali».

Pieršyja probnyja partyi myła Halina pačała rabić razam ź siabroŭkami Taćcianaj Rudzieniaj i Natallaj Kaval u sakaviku 2011 hoda. Kansultavałasia jak ź miascovymi «myłavarami», tak i z zamiežnymi śpiecyjalistami. Naviedvała majstar-kłasy ŭ Ispanii, krainie, dla jakoj vytvorčaść myła — tradycyjnaja halina.

Na siońnia raspracavana niekalki hatunkaŭ myła «Karali».

Nazva kožnaha ź ich — heta čaścinka biełaruskaj historyi ci pryrody. Naprykład, «Panna Niaśviža», «Vilenskaje baroka», «Čyrvonyja parečki», «Paparać», «Vałoški» albo «Cud na kalady».

Kožnaje myła maje asablivy koler, pach i zapakoŭku.

Łahatyp u vyhladzie šlachietnaha hierba dla «Karali» prydumaŭ Michał Aniempadystaŭ, aŭtar «Narodnaha alboma».

A nazva Karali pryjšła ŭ hałavu biełaruskamu dyzajnieru Maksu Brubakieru. Pryvabnaja zapakoŭka dla myła — vynik tvorčaści i prafiesijanalizmu dyrektarki «OS-studyi» Volhi Sakałovaj. Lehiendy dla kožnaha hatunku napisała Volha Mazurava. Nadpisy na zapakoŭcy, a taksama ŭ listku-ŭkładyšu pryviedzieny pa-biełarusku i pa-anhlijsku.

«Karali» pazicyjanuje siabie na rynku jak myła ručnoj raboty šlachietnaha kłasa (taki biełaruski adpaviednik atrymała słova «luxury»).

Admietnaść brendu — heta vykarystańnie vyklučna naturalnych kampanientaŭ.

Luboje myła składajecca z troch bazavych rečyvaŭ: vady, tłuščoŭ i ščołačy, a taksama dadatkovych elemientaŭ dla pachu i koleru.

U pramysłovaj vytvorčaści zvyčajna biaruć tannyja tłuščy (časta chimičnyja) i dadajuć tudy roznyja substancyi dziela pavieličeńnia terminu prydatnaści i panižeńnia sabiekoštu

kančatkovaha pradukta.

Pry hetym jakasnyja substancyi, naprykład, hliceryn (atrymlivajecca ŭ vyniku reakcyi tłuščoŭ sa ščołačču), štučna vydalajuć

sa składu myła dla vykarystańnia ŭ bolš darahoj kaśmietycy (naprykład, u kremach).

Pry ručnym vyrabie myła paśla taho, jak adbyłasia reakcyja tłuščoŭ sa ščołačču, u skład možna dadać inšyja karysnyja alei

i rečyvy. Hetaja dadatkovaja sumieś alejaŭ nazyvajecca pieratłušč i jaje abjom u myle ručnoha vyrabu składaje 3–10% ad masy asnoŭnych tłuščoŭ (u «Karaliach» pieratłušč dasiahaje 10%). Alei i inšyja rečyvy ź pieratłušču źjaŭlajucca aktyŭnymi inhredyjentami i akazvajuć dadatkovy karysny ŭpłyŭ na skuru.

Isnujuć dva technałahičnyja pracesy pryhatavańnia myła ručnoha vyrabu. Pieršy — chałodny (tradycyjny) sposab, kali paśla źmiešvańnia inhredyjentaŭ myła ciaham miesiaca «vyśpiavaje» pry pakajovaj tempieratury. Druhi — haračy (pryśpiešany) sposab: paśla źmiešvańnia inhredyjentaŭ myła «hatujecca» ŭ duchoŭcy niekalki hadzinaŭ.

Usie hatunki myła «Karali» robiacca tradycyjnym chałodnym sposabam.

Ciapier dla metaŭ vytvorčaści Halina aranduje nievialikaje pamiaškańnie ŭ Minsku. Ale ŭ pierśpiektyvie — pieranos vytvorčaści ŭ sielskuju miascovaść (sama Halina žyvie ŭ Vałožynskim rajonie). Siarod płanaŭ na budučyniu — pašyreńnie asartymientu, raspracoŭka novych vidaŭ pradukcyi i vychad na zamiežnyja rynki zbytu.

Košt myła «Karali» składaje 29 tysiač rubloŭ.

Nabyć jaho možna na sajcie www.karali.by ci zakazaŭšy pa telefonie +375-44-730-79-04.

Aksana Rudovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH