Pravaabaroncu Alesiu Bialackamu, jaki ŭtrymlivajecca ŭ śledčym izalatary Žodzina (Minskaja vobłaść), jaho kalehi pieradali televizar i ciopłyja rečy.Pra heta aviedamiła žonka asudžanaha pravaabaroncy Natalla Pinčuk.
«Jaho paplečniki pa pravaabarončaj arhanizacyi „Viasna“ pieradali jamu televizar i ciopłyja rečy. Usio pryniali. Televizar pieradali, tamu što Aleś apynuŭsia adarvany ad luboj infarmacyi ź lubych krynic», — skazała žonka.
Jana taksama paviedamiła ab atrymańni pieršaha lista ad Bialackaha z Žodzina. «Jon napisaŭ hety list jašče 2 śniežnia, u toj čas, jak jaho pieraviali ŭ Žodzina. Adnak atrymała ja jaho tolki ŭ minułuju subotu, 10 śniežnia. Heta značyć, što doŭha idzie karespandencyja. Tym nie mienš, kali list ad jaho dajšoŭ, to značyć, jon moža pisać, i my majem mahčymaść ź im pierapisvacca», — skazała žonka asudžanaha.
«Ton lista taki ž, jak i raniej. Jon ni na što nie skardzicca. Mabyć, jon vybraŭ taki ton, kab mianie nie zanadta niepakoić», — miarkuje Natalla.
Razam z tym jana zaniepakojena pieravodam muža ŭ inšy śledčy izalatar — ź Minska ŭ Žodzina. «Pryčym infarmacyja pra jaho pieravod nam stała viadomaja praktyčna vypadkova. Pa tym, jakija pieradačy tudy prymajuć, stała zrazumieła, što tam bolš žorstki režym utrymańnia», — skazała Natalla.
Aleś Bialacki —
Mižnarodnaja demakratyčnaja hramadskaść, kiraŭnictva Jeŭrasajuza, ZŠA i šerahu inšych krain ličać vyniesieny pravaabaroncu pryhavor palityčna matyvavanym i patrabujuć ad uładaŭ Biełarusi biezumoŭnaha vyzvaleńnia Alesia Bialackaha.
2 śniežnia Bialackaha pieraviali sa staličnaha śledčaha izalatara № 1 na vulicy Vaładarskaha ŭ SIZA Žodzina (Minskaja vobłaść).
