Darja Domračava, profil.
Mahdalena Nojnier, anfas.
Novy bijatłonny siezon dla biełarusaŭ stavić asnoŭnaje pytańnie: ci zmoža naša Darka Domračava pieramahčy niemku Mahdalenu Nojnier.
Dźvie samyja pierśpiektyŭnyja spartsmienki svajho pakaleńnia. Niemka ŭvarvałasia ŭ bijatłonnuju elitu imkliva i nachabna. «Załataja Lena» ździŭlała ŭsich svajoj chutkaściu, łyžy ŭ jaje niby lacieli. A kali atrymlivałasia spravicca z chvalavańniem padčas stralby, to pieramahčy junuju Nojnier było amal niemahčyma.
Nojnier zajavajavała dva załatyja miedali na Alimpijadach, dziesiać razoŭ uzychodziła na viaršyniu pjedestała padčas čempijanata śvietu. Dvojčy vyjhravała ahulny zalik Kubka śvietu. I heta ŭ 24 hady, kali nie tak daŭno adbyŭsia pierachod ź junijoraŭ.
Heta pry tym, što bijatłon nie samy rańni vid sportu. Raskryvacca i pakazvać najlepšyja vyniki tut pačynajuć bližej da 30 hadoŭ, a to i paźniej.
Maładych i rańnich u hetym vidzie sportu nie tak i šmat.
Nie dziva, što jana ŭžo zadumałasia pra zaviaršeńnie karjery. Uśmiešlivaja Lena choča skancentravacca na madelnaj pracy. U sporcie joj užo niecikava. Vierycca, što jaje atrymajecca ŭłamać nie rabić paśpiešlivych krokaŭ. Usio ž kryŭdna budzie stracić adnu z najiarčejšych i najpryhažejšych spartsmienak sučasnaści.
Biełarusy zaŭsiody mieli dobryja vyniki ŭ bijatłonie. Niekatoryja ličać, što hety vid sportu hienietyčna zakładzieny ŭ našych ludziach.
«Bijatłon — viaršynia biełaruskaha partyzanskaha imidžu. Lasnyja bajcy, chutkija, mocnyja i pa-snajpiersku dakładnyja, uvieś čas davalisia ŭ znaki akupantam. Bijatłon — sučasnaja partyzanka, tolki biaskroŭnaja, zachaplalnaja i vidoviščnaja», — pisaŭ Pavieł Sieviaryniec.
«Pośpiechi ŭ bijatłonie zhadvajuć pra daŭniejšyja našy partyzanskija jakaści — umieńnie stralać i ŭciakać. Takim byŭ naš staražytny kniaź Usiasłaŭ Połacki, jakoha za zdolnaść źnikać kali treba i źjaŭlacca tam, dzie nie čakali, abviaścili vaŭkałakam i piarevaratniem», — ličyć Piatro Vasiučenka.
Šmat hadoŭ pieramohi biełaruskamu bijatłonu prynosili Vadzim Sašuryn, Alaksandr Papoŭ, Alaksiej Ajdaraŭ, Aleh Ryžankoŭ, Alaksandr Syman, Śviatłana Paramyhina. Asabliva mocnyja byli našy mužčynskija kvartety ŭ estafietach i kamandnych honkach. Niaredka za biełarusami prychodziŭ da finišu ŭvieś astatni śviet.
Časy mianiajucca. I siońnia čakać niečaha vartaha ad mužčynskaha bijatłonu nie vypadaje.Nacyjanalnuju kamandu składajuć učorašnija junaki, jakim rana zmahacca z zorkami kštałtu Bjorndalena i Furkada. Dy i z trenierami prablema. Mnohija źjechali, astatnija adyšli, zastalisia niamnohija.
Možna tolki z nadziejaj sačyć za žanočymi honkami. Dzie kankurencuju Lenie Nojnier nie pieršy hod sprabuje stvaryć naša Darja Domračava. Jana biełaruska, ale baćki byli źjechali na zarobki ŭ Niahań Ciumienskaj vobłaści. Tam Darja i pačała spaścihać azy bijatłonu.
Kali pryjšoŭ čas vystupać na darosłym uzroŭni, Domračava abrała Biełaruś, a nie Rasiju.
Domračava talenavitaja, ale joj daloka da stabilnych vystupleńniaŭ.Paśla cudoŭnaha spryntu ŭ jaje moža adbycca pravalnaja honka pieraśledu. Niamiecki trenier Kłaŭs Zibiert pastaviŭ joj stralbu, a voś z chadoj na dystancyi zastajucca prablemy.
Minuły siezon Darja skončyła dźviuma pieramohami, novy taksama pačała z dvuch viktoryj.
Padajecca, što na siońnia Darja hatovaja da surjoznaha zmahańnia za Kryštalny Hłobus pieramožcy ahulnaha zaliku. Ale dla hetaha treba pieramahać nieparaŭnalnuju Nojnier. Zadača nie z samych prostych, ale vyrašalnaja.
***
Bijatłon
Zimovy alimpijski vid sportu, jaki abjadnoŭvaje łyžnuju honku i stralbu ź vintoŭki. Faktyčna asučaśnienaja viersija paŭnočnaha palavańnia. Pieršyja spabornictvy pa bijatłonie prachodzili ŭ 1767 hodzie na šviedskanarviežskaj miažy. Paśla Druhoj suśvietnaj vajny bijatłon byŭ vyklučany z alimpijskaj prahramy praz pacyfisckija nastroi ŭ tahačasnym hramadstvie. Tolki naprykancy 50¬ch bijatłon pačynaje adradžacca. Tym nie mienš, za samastojny vid sportu jaho pryznali tolki ŭ 1992. Najbolš pašyrany ŭ Rasii, Šviecyi, Narviehii, Hiermanii, Aŭstryi, Francyi. Na siońnia spabornictvy adbyvajucca ŭ nastupnych vidach: indyvidualnaja honka, sprynt, honka pieraśledu, masstart, estafieta, źmiašanaja estafieta. Roźniacca jany adlehłaściu i kolkaściu mišeniaŭ.
U Biełarusi Fiederacyju bijatłonu ŭznačalvaje staršynia KDB Vadzim Zajcaŭ.
Praviły
Łyžy nie pavinny być karaciejšymi za rost spartoŭca minus 4 sm. Dla stralby prymianiajecca vintoŭka ź minimalnaj vahoj 3,5 kh, jana na praciahu ŭsioj dystancyi z atletam. Zabaronienaja aŭtamatyčnaja i paŭaŭtamatyčnaja zbroja. Prycełu vintoŭki zabaroniena mieć pavieličalny efiekt. Chutkaść kuli nie pavinna być bolšaj za 380
Kalandar siezona 2011–2012
15–18 śniežnia — Ansi (Francyja)
4–8 studzienia — Abierchof (Hiermanija)
11–15 studzienia — NovieMiesta (Čechija)
19=22 studzienia — Antcholc (Italija)
2–5 lutaha — Cholmienkolen (Narviehija)
10–12 lutaha — Kantyjałachci (Finlandyja)
1–11 sakavika — Rupoldynh (Hiermanija). Čempijanat śvietu.
16–18 sakavika —
Tranślacyi na kanałach «Biełaruś2» i «Jeŭrasport»
