U svaim błohu Bacharevič pryvodzić tekst zajavy na imia staršyni Sajuza biełaruskich piśmieńnikaŭ Barysa Piatroviča (Sačanki). Jon paprakaje kiraŭnika arhanizacyi i jaje radu ŭ tym, što jany nijak nie abaranili jaho piśmieńnickuju hodnaść, kali inšyja litaratary i krytyki abrynulisia na jaho z chłuśnioj. Taksama Alhierd Bacharevič kaža pra faktyčnuju cenzuru, jakuju sprabujuć suprać jaho ŭvieści. Sajuz padzialaje svaich siabraŭ na «pravilnych» i «chunvejbina», na «viernych zapavietam» i «ačarnicielaŭ», na «svaich» i «čužych» — i heta ŭ situacyi, kali samo isnavańnie biełaruskaj movy i kultury staić pad pahrozaj», — piša viadomy litaratar.
Alhierd Bacharevič — aŭtar knih «Praktyčny dapamožnik pa rujnavańni haradoŭ», «Praklatyja hości stalicy», «Saroka na šybienicy». Apošni čas jon žyvie ŭ Hamburhu, publikujecca pieravažna na sajcie radyjo «Svaboda».
