Z 3 śniežnia paliva padaražeła na 10% 28

3 śniežnia adbyłosia čarhovaje pavyšeńnie roźničnych cen na naftapradukty. Paliva padaražeła ŭ siarednim na 10%.

Košt litra bienzinu Narmal-80 pavysiŭsia da 5.400 rubloŭ (raniejšaja cana — 4.900 rubloŭ), bienzinu AI-92 — da 5.700 rubloŭ (5.150 rubloŭ), bienzinu AI-95 — da 6.100 rubloŭ (5.550 rubloŭ), dyzielnaha paliva — da 6.300 rubloŭ (5.750 rubloŭ).

Heta adzinaccaje padaražańnie paliva z pačatku hetaha hoda.

Apošni raz ceny na paliva ŭ Biełarusi pavyšalisia 10 listapada. Bienzin padaražeŭ u siarednim na 3,5%, dyzielnaje paliva — na 7%.

Raniej čakałasia, što čarhovaje pavyšeńnie koštu paliva adbudziecca 1 śniežnia. Adnak vice-premjer Siarhiej Rumas 30 listapada ŭ parłamiencie zajaviŭ, što ŭ hety dzień košt paliva nie pavialičycca, bo rašeńnie pa hetym pytańni ŭradam jašče nie pryniata.

Rumas nahadaŭ, što ŭrad zrabiŭ bolš žorstkimi abmiežavalnyja miery, nakiravanyja na skaračeńnie vyvazu paliva za miežy Mytnaha sajuza. 18 listapada była pryniata pastanova, zhodna ź jakoj hramadzianie mohuć vyjazdžać za miažu na svaim aŭtamabili nie čaściej za adzin raz u vosiem dzion, a nie ŭ piać, jak raniej. «Ale nie skažu, kab heta mocna źmianiła situacyju», — adznačyŭ vice-premjer.

Pa jaho słovach, štodnia mytnyja orhany fiksujuć šmatlikija čerhi na miažy. «Usio heta adbyvajecca ŭ suviazi z zachavańniem značnaj roźnicy ŭ košcie na paliva», — skazaŭ Rumas.

U situacyi, jakaja skłałasia, padkreśliŭ jon, jość tolki adzin recept —

«pastupovaje pryviadzieńnie cen da ŭzroŭniu, jaki zrobić masavy vyvaz paliva ekanamična niemetazhodnym».

Alaksandr Łukašenka 15 listapada zajaŭlaŭ, što da śniežnia rost cenaŭ budzie «pahašany», bo «chopić ździekvacca z narodu».

Andrej Kažamiakin, BiełaPAN; Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH