Rasija pazyčaje Biełarusi 10 młrd dalaraŭ na budaŭnictva AES 63

Fota ITAR-TASS.

Padčas pasiadžeńnia Vyšejšaha dziaržsavieta Sajuznaj dziaržavy 25 listapada ŭ padmaskoŭnaj rezidencyi Horki padpisany šerah važnych dakumientaŭ u ekanamičnaj śfiery.

U pryvatnaści, padpisany kantrakty na pastaŭku hazu ŭ Biełaruś i jaho transparciroŭku cieraz terytoryju respubliki ŭ 2012–2014 hadach. AAT «Hazpram» i Dziaržaŭny kamitet pa majomaści Biełarusi taksama padpisali dahavor kupli-prodažu 50% akcyj AAT «Biełtranshaz».

Jak paviedamlaje pres-słužba «Hazprama»,

u adpaviednaści z kantraktam cana hazu dla Biełarusi ŭ 2012 hodzie składzie 165,6 dołara za tysiaču kubamietraŭ, a ŭ 2013–2014 hadach budzie raźličvacca pa formule.

Asnoŭnymi składalnikami pry hetym stanuć cana hazu dla spažyŭcoŭ Jamała-Nienieckaj aŭtanomnaj akruhi (ustanaŭlivajecca Fiederalnaj słužbaj pa taryfach RF), košt transparciroŭki hazu ad miescaŭ zdabyčy ŭ hetaj akruzie da miažy Rasii i Biełarusi, košt zachoŭvańnia hazu ŭ padziemnych schoviščach na terytoryi RF, vieličynia raschodaŭ «Hazproma» pa realizacyi hazu. Praduhledžana indeksacyja składalnikaŭ formuły cany na vieličyniu inflacyi.

Pavodle damoŭlenaściaŭ,

u 2012 hodzie Biełaruś nabudzie ŭ «Hazproma» 22,5 młrd. kubamietraŭ hazu, u 2013 i 2014 hadach — pa 23 młrd., pryčym kantrakt praduhledžvaje mahčymaść karekciroŭki abjomaŭ.

Zhodna z kantraktam na transparciroŭku hazu cieraz terytoryju Biełarusi taryf na transparciroŭku tysiačy kubamietraŭ hazu pa hazapravodach AAT «Biełtranshaz»

u 2012 hodzie składzie 2 dołara na 100 km,

a ŭ 2013–2014 hadach budzie štomiesiac raźličvacca pa formule. Taryf na transparciroŭku hazu pa biełaruskim učastku hazapravoda Jamał — Jeŭropa budzie štomiesiac raźličvacca pa formule na praciahu ŭsiaho terminu dziejańnia kantrakta.

U adpaviednaści z dahavoram kupli-prodažu 50% akcyj AAT «Biełtranshaz» «Hazprom» zapłacić 2,5 młrd. dołaraŭ.

Takim čynam, rasijskaja kampanija stanie ŭładalnikam 100% akcyj AAT «Biełtranshaz».

Minimalny ŭzrovień nacenki na haz, jaki realizujecca «Biełtranshazam» spažyŭcam Biełarusi, z 1 studzienia 2012 hoda składzie 15,95 dołara za tysiaču kubamietraŭ, a z 2013 pa 2031 hady budzie karektavacca na vieličyniu inflacyi.

Z 1 studzienia 2032 hoda ŭzrovień minimalnaj nacenki budzie rehulavacca ŭpaŭnavažanym orhanam Biełarusi ŭ adpaviednaści ź biełaruskim zakanadaŭstvam. Pry hetym nacenka nie moža być nižej za ŭzrovień, jaki kampiensuje zatraty i inviestycyi AAT «Biełtranshaz», uklučajučy ekanamična abhruntavanuju normu prybytku, i ŭ lubym vypadku budzie nie nižej za 11,09 dołara za tysiaču kubamietraŭ.

Siońnia ž pavodle vynikaŭ pasiadžeńnia VDS prem'jer-ministry dźviuch krain Uładzimir Pucin i Michaił Miaśnikovič padpisali mižuradavyja pahadnieńni ab paradku farmiravańnia cen (taryfaŭ) pry pastaŭcy pryrodnaha hazu ŭ Biełaruś i jaho transparciroŭcy pa hazapravodach, raźmieščanych na terytoryi Biełarusi, a taksama ab umovach kupli-prodažu akcyj i dalejšaj dziejnaści AAT «Biełtranshaz».

Akramia hetaha, padpisana pahadnieńnie ab vydzialeńni Rasijaj Biełarusi dziaržaŭnaha ekspartnaha kredytu na budaŭnictva AES.

Niekalkimi hadzinami raniej na pasiadžeńni prezidyuma ŭrada RF Uładzimir Pucin zajaviŭ, što

Rasija vydzielić Biełarusi kredyt dla budaŭnictva AES da 10 miljardaŭ dołaraŭ na 15 hadoŭ.

Padpisanyja siońnia pahadnieńni ŭ hazavaj śfiery staviać «vialikuju tłustuju kropku» na hazavych sprečkach pamiž Maskvoj i Minskam, zajaviŭ žurnalistam pavodle vynikaŭ pasiadžeńnia VDS ministr enierhietyki RF Siarhiej Šmatko.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH