U bližejšyja vychadnyja dni ŭ Biełarusi ŭzmocnicca zachodni viecier, časam da štarmavoha, paviedamiła hałoŭny sinoptyk Respublikanskaha hidramieteacentra Ludmiła Paraščuk.
Vietranaje nadvorje budzie i ŭ bližejšyja sutki. Pa poŭnačy respubliki paryvy vietru ŭzmocniacca da 14 mietraŭ u siekundu. Heta źviazana z tym, što antycykłony, jakija tak doŭha zabiaśpiečvali spakojnaje i tumannaje nadvorje ŭ Biełarusi, zdajuć svaje pazicyi. U kancy biahučaha tydnia i ŭ bližejšyja vychadnyja dni asnoŭnym nadvorjeŭtvaralnym faktaram stanie sieryja atłantyčnych cykłonaŭ, jakija buduć pieramiaščacca pa arktyčnym uźbiarežžy, pierakryvajučy dostup chałodnamu pavietru na poŭdzień.
U piatnicu pa paŭnočnaj pałavinie krainy projduć nievialikija apadki ŭ vyhladzie daždžu i mokraha śniehu. U asobnych rajonach zhuścicca tuman, nočču i ranicaj mahčymy słaby hałalod, na darohach hałalodzica. Tempieratura pavietra ŭ načnyja hadziny budzie minus 4 plus 2 hradusy. Dniom prahnazujecca ad nula da 6 hradusaŭ ciapła.
U noč na subotu miescami, a dniom na bolšaj častcy terytoryi krainy projduć karotkačasovyja apadki, u asnoŭnym doždž. Tempieratura pavietra ŭ načnyja hadziny budzie ad minus 2 da plus 4 hradusaŭ. Dniom prahnazujecca ad nula da 6 hradusaŭ ciapła. U niadzielu istotnych źmianieńniaŭ u charaktary nadvorja nie adbudziecca, tempieraturny režym zastaniecca raniejšy.
Vietranaje nadvorje čakajecca i ŭ paniadziełak.Paryvy vietru buduć dasiahać 15-22 mietraŭ u siekundu. Časam čakajucca apadki - doždž z mokrym śnieham. Tempieratura pavietra na praciahu sutak składzie minus 1 - plus 5 hradusaŭ.
U siaredzinie nastupnaha tydnia nad Ukrainaj utvorycca antycykłon, i Biełaruś budzie na jaho paŭnočnaj pieryfieryi. Ścichnie viecier, stanie mienš vobłakaŭ i apadkaŭ, znoŭ zhuściacca tumany. Tempieratura pavietra nočču ŭ sieradu składzie minus 3 - plus 3 hradusy, pry prajaśnieńniach da 5 hradusaŭ marozu. Dniom prahnazujecca 1-5 hradusaŭ ciapła. U asobnych rajonach słaby hałalod, imža.
